Page not found

The requested page "/iu/laisaliqutinut-pitquhit/apiqutauqattaqtut" could not be found.

General

ᐊᐱᖁᑎ. ᓄᓇᕗᑦ ᐃᒥᓕᕆᔨᒃᑯᑦ ᐱᔪᓐᓇᕐᓂᖃᕐᐸᑦ ᑕᕆᐅᕐᒥ? 

ᑭᐅᔾᔪᑎ. ᒪᓕᒐᑎᒍᖏᑦᑐᖅ, ᐃᒥᓕᕆᔨᒃᑯᑦ ᒪᓕᒐᑎᒍᑦ ᐱᔪᓐᓇᕐᑕᖓ ᑭᒃᓕᖃᕐᒪᑦ ᓄᓇᒥᑦᑐᓄᑦ ᑕᓯᐅᔪᓄᑦ ᐃᒥᐅᔪᓄᓪᓗ, ᑯᒃᑐᓄᑦ, ᑯᖓᓚᓄᑦ, ᐃᒪᕐᓱᒃᓄᑦ, ᐃᒥᕆᔭᐅᔪᓄᑦ ᐊᓯᖏᓐᓗ. ᐱᖃᓯᐅᑎᓯᒪᖏᑦᑐᖅ ᑕᕆᐅᖅ. ᑭᓯᐊᓂᑦᑕᐅᖅ, ᐃᒥᓕᕆᔨᒃᑯᑦ ᐅᖃᐅᔾᔨᒋᐊᕈᓐᓇᕐᑐᑦ ᑕᕆᐅᕐᒥᑦᑐᓄᑦ ᓄᓇᕗᑦᒥ ᓇᒃᒥᓂᖅ ᐅᕙᓗᓐᓂᑦ ᐃᓚᒋᔭᐅᓂᕐᒥᓄᑦ ᓄᓇᕗᑦ ᑕᕆᐅᖏᓐᓂ ᑲᑎᒪᔨᖏᓐᓄᑦ ᐊᓯᖏᑦ ᑲᑎᒪᔨᐅᔪᑦ ᑲᑎᖓᓪᓗᑎᒃ ᐃᓄᒃᓄᒃ ᒐᕙᒪᐅᔪᑦ.

ᐊᐱᖁᑎ. ᐃᒥᓕᕆᔨᒃᑯᑦ ᐱᔪᓐᓇᕐᓂᖃᕐᐸᑦ ᓄᓇᕗᓕᒪᒥ? 

ᑭᐅᔾᔪᑎ. ᐃ, ᐱᔪᓐᓇᕐᓂᖓ ᐃᒥᓕᕆᔨᒃᑯᑦ ᑕᒪᕐᒥᒃ ᓄᓇᕗᑦ ᐃᓗᐊᓂᑦᑐᓕᒪᓂᒃ ᑲᒪᔪᑦ (ᑭᓯᐊᓂ ᒥᕐᖑᐃᕐᓯᕐᕕᑦ ᐱᖃᓯᐅᑎᖏᓪᓗᒋᑦ), ᐱᖃᓯᐅᑎᓪᓗᒋᑦ ᐃᓄᐃᑦ ᓄᓇᖁᑎᖏᑦ ᐱᔭᕆᐊᖃᒃᑲᓐᓂᕐᓂᖃᐅᕐᑐᑦ. 

ᐊᐱᖁᑎ. ᖃᓄᕐᓕ ᐊᒃᑐᐊᓂᖃᕐᐸᑦ ᑲᑎᒪᔨᐅᔪᑦ ᐃᒥᓕᕆᔨᒃᑯᑦ, ᐸᕐᓇᒃᑎᒃᑯᑦ ᐊᒻᒪᓗ ᐊᕙᑎᓕᕆᔨᒃᑯᑦ? 

ᑭᐅᔾᔪᑎ. ᐃᒥᕐᒧᑦ ᐱᔪᓐᓇᐅᑎᒥᒃ ᐊᖏᕐᑕᐅᓚᐅᖏᓐᓂᖓᓂ ᐃᒥᓕᕆᔨᒃᑯᑦ ᑲᑎᒪᔨᖏᑦ ᑐᓂᓯᖃᑦᑕᕐᑐᑦ ᐊᕐᓇᒃᑎᒃᑯᓐᓄᑦ ᑲᑎᒪᔨᖏᓐᓄᑦ, ᓇᓗᓇᐃᕐᓯᓚᐅᕐᖢᑎᒃ ᒪᓕᒃᓯᒪᒃᒪᖓᑕ ᒪᓕᒋᐊᓕᒃᓂᒃ ᐊᖏᕐᑕᐅᓯᒪᔪᓄᑦ ᓄᓇᐅᑦ ᐸᕐᓇᐅᑎᖏᓐᓄᑦ. ᐱᓇᓱᑕᐅᔪᑦ ᐊᔾᔨᒋᖏᓐᓂᖏᑦ ᐃᓄᓕᒪᕐᓂᒃᑯᑦ ᑲᑎᒪᔾᔪᑕᐅᔭᕆᐊᓕᑦ (ᐃᒪᐃᑦᑐᔪᑦ A) ᑕᑯᓇᒃᑕᐅᔭᕆᐊᖃᕐᒪᑕ  (ᑭᓯᐊᓂ ᓄᓇᓕᐅᔪᑦ ᐱᖏᓪᓗᑎᒃ) ᐃᓚᖏᓪᓗ ᕿᒥᕈᔭᐅᔭᕆᐊᖃᕐᒪᑕ, ᐊᓂᒍᕐᐸᑦ ᐃᒥᓕᕆᔨᒃᑯᑦ ᐊᖏᕐᓯᔪᓐᓇᕐᑐᑦ ᑐᓂᓯᓗᑎᒃᓗ ᐱᔪᓐᓇᐅᑎᒥᒃ ᐃᒪᐃᑦᑐᒥᒃ “A” ᐃᒥᕐᒧᑦ ᐱᔪᓐᓇᐅᑎᑦ.  

ᐱᖓᓱᔪᑦ ᑲᑎᒪᔨᐅᔪᑦ ᐅᖃᐅᓯᐅᖃᐅᔪᑦ− ᑕᐃᔭᐅᕙᒃᑐᑦ ᐃᓄᒃᓄᑦ ᒐᕙᒪᐅᔪᑦ− ᐃᑲᔪᕐᑎᒋᖃᑦᑕᕐᑐᑦ ᑐᑭᒧᐊᒃᑎᑕᐅᓪᓗᑎᒃᓗ ᕿᒥᕈᓂᖏᑦ, ᑕᑯᓇᒃᓂᖏᑦ ᐊᒻᒪᓗ ᐊᖏᕐᓯᓇᓱᒃᓂᖏᑦ ᐃᒥᕐᒧᑦ ᐱᔪᓐᓇᐅᑎᒥᒃ ᐊᔾᔨᒋᒥᒃ ᐱᓕᕆᑦᑕᐅᓕᒪᓪᓗᑎᒃ ᐊᒻᒪᓗ ᕿᓚᒻᒥᐅᓂᕐᓴᒃᑯᑦ ᐱᓕᕆᒋᐊᖃᑦᑕᕐᑐᑦ. 

Licensing Process

ᐊᐱᖁᑎ. ᐃᓄᑐᐃᓐᓇᐃᑦ ᑕᖕᒪᕐᓯᒪᔪᒪᔪᑦ ᐃᒥᕐᒥᒃ ᐱᔪᓐᓇᐅᑎᖃᕆᐊᖃᕐᐸᑦ? 

ᑭᐅᔾᔪᑎ. ᐊᒃᑲ. ᐊᖏᕐᑕᐅᓇᓱᒋᐊᖃᖏᑦᑐᑦ ᐃᒥᓕᕆᔨᒃᑯᓐᓄᑦ ᓇᒃᒥᓂᕐ ᐃᒥᕆᓂᐊᕐᑕᒥᓂᒃ, ᐃᖃᓗᒐᓱᒃᑐᓄᑦ, ᐳᐃᔪᕋᕐᑐᓄᑦ, ᓇᕈᑐᐃᓐᓇᕐᑐᓄᑦ, ᖃᑦᑎᕆᔨᓄᑦ ᐅᕙᓗᓐᓂᑦ ᖃᒥᑦᑕᐃᓕᒪᑎᑦᑎᔪᑦ ᑐᐊᕕᕐᓇᕐᑐᓪᓗᒍ. 

ᐊᐱᖁᑎ. ᑭᓇᒃᑯᓪᓕ ᐱᔪᓐᓇᐅᑎᑕᕆᐊᖃᕐᐸᑦ? 

ᑭᐅᔾᔪᑎ. ᑕᒪᕐᒥᒃ ᐃᒥᕐᒥᒃ ᐊᑐᕐᑐᑦ ᑯᕕᓯᒧᓪᓗᓐᓂᑦ ᐃᒥᕐᒧᑦ, ᐱᖃᓯᐅᑎᖏᓪᓗᒋᑦ ᐃᓄᑐᐃᓐᓇᕐᓄᑦ ᐱᔭᐅᔪᑦ ᑐᐊᑯᕐᓇᕐᑐᒧᓪᓗᓐᓂᑦ, ᐊᖏᕐᑕᐅᓯᒪᔭᕆᐊᖃᕐᑐᑦ ᐃᒥᓕᕆᔨᒃᑯᓐᓄᑦ. ᐅᑯᐊᖑᔪᑦ ᕼᐊᒻᓚᐅᔪᑦ ᓄᓇᓕᐅᔪᑦ ᐊᐅᓚᓂᖏᑦ, ᐅᔭᕋᒃᓯᐅᕐᑐᑦ, ᐅᔭᕋᒃᓂᐊᕐᑐᓪᓗ, ᑕᒃᒪᕐᕕᐅᖏᓪᓗ ᕿᓂᕐᑐᑦ ᐊᓯᖏᓪᓗ. 

ᐊᐱᖁᑎ. ᑕᒪᕐᒥᒃ ᐱᓇᓱᑕᐅᔪᑦ ᐃᓄᓕᒪᕈᑕᐅᔭᕆᐊᖃᕐᐸᑦ? 

ᑭᐅᔾᔪᑎ. ᐊᒃᑲ. ᐃᓚᐃᓐᓇᖏᑦ ᖃᓄᐃᓕᐅᕐᓂᖏᑦ ᒪᓕᒃᓗᒋᑦ ᐃᓄᓕᒪᕆᐊᖃᖏᑦᑐᑦ ᐊᖏᕐᑕᐅᓯᒪᓗᑎᒃᓗ ᐃᒪᐃᑦᑐᒥᒃ “B” ᐃᒥᕐᒧᑦ ᐱᔪᓐᓇᐅᑎ. ᐊᓯᖏᑦ ᐃᒥᕐᒥᒃ ᐊᑐᕐᑐᑦ ᐊᖏᕐᑕᐅᔪᓐᓇᕐᑐᑦ ᑲᑎᒪᔨᓄᑦ ᐱᔪᓐᓇᐅᑎᖃᖏᒃᑲᓗᐊᕐᓗᑎᒃ ᐊᖏᕐᑕᐅᓯᒪᓗᑎᒃ ᖃᓄᐃᑦᑐᓂᖓᓂᒃ ᒪᓕᒃᓯᒪᒍᑎᒃ ᐱᖁᔭᖏᑎᒍᑦ ᓄᓇᕗᑦ ᐃᒥᓕᕆᓂᕐᒧᑦ ᒪᓕᒐᖏᓐᓂ. 

ᑕᒃᑯᐊ ᐱᓕᕆᐊᖑᔪᑦ ᖃᐅᔨᓴᕐᑕᐅᔾᔨᐊᖏᑦᑐᑦ ᑲᒪᒋᔭᐅᔪᓐᓇᕐᑐᑦ ᓇᐃᓇᕐᓯᒪᔪᒃᑯᑦ ᐃᒥᓕᕆᔨᒃᑯᓐᓄᑦ. ᑭᓯᐊᓂ, ᐃᒥᓕᕆᔨᒃᑯᑦ ᐱᔪᓐᓇᕐᓂᖃᕐᑐᑦ ᑲᑎᒪᑎᑦᑎᔪᒪᒍᑎᒃ ᐃᓄᓕᒪᓂᒃ ᐱᓇᓱᑎᑦ ᓴᓕᐊᒃᓂᑐᐃᓐᓇᖅ ᐱᐅᓂᕐᓴᐅᓂᕋᐃᑐᐊᕈᑎᒃ ᐃᓄᒃᓄᑦ. ᐊᓯᖏᑦ ᐱᓇᓱᑕᐅᔪᑦ ᐃᓄᓕᒪᕈᑕᐅᔭᕆᐊᓕᑦ ᐊᖏᕐᑕᐅᓯᒪᓪᓗᑎᒃᓗ ᐃᒪᐃᑦᑐᒥᒃ "A" ᐃᒥᕐᒧᑦ ᐱᔪᓐᓇᐅᑎᒥᒃ. ᐱᔪᓐᓇᐅᑎ ᑐᓂᔭᐅᔪᓐᓇᕐᑐᖅ ᑭᓯᐊᓂ ᕿᒥᕈᔭᐅᓚᐅᕐᑎᓪᓗᒍ ᐊᕙᑎᖓ ᒪᓕᒃᓗᒍ ᑎᑎᕋᕐᓯᒪᔪᖅ  ᓄᓇᕗᕐᑕᕈᑎᓂᒃ ᐊᖏᖃᑎᒋᒍᑎᓂ. 

ᐊᐱᖁᑎ.  ᖃᓄᖅ ᑐᑭᖃᕐᐸ “ᐃᒥᕐᒥᒃ ᐊᑐᕐᓗᓂ?” 

ᑭᐅᔾᔪᑎ. ᐃᒥᕐ ᐱᔾᔪᑎᒋᓪᓗᒍ, ᑐᑭᖃᕐᑐᖅ ᐱᑲᐅᑎᒋᓗᒍ ᐱᑲᐅᑎᒋᖏᓪᓗᒍᓗᓐᓂᑦ ᐊᑐᕐᑕᐅᓂᖓ ᐃᒥᖅ ᖃᓄᐃᑦᑐᑐᐃᓐᓴᖅ ᐱᖃᓯᐅᑎᓗᒍ, ᑕᓐᓇᑐᖏᓪᓗᓂᓗ: (ᐃ) ᐊᑐᕐᑕᐅᓂᖓ ᐃᒥᖅ ᐃᑯᒻᒪᖁᑕᐅᓗᓂ ᐊᒻᒪᓗ ᐊᐅMᔾᔪᑕᐅᓗᓂ; (ᐱ) ᐊᓯᐊᓄᐊᓕᕐᑎᑕᐅᓂᖓ ᑭᒃᓕᖓ ᓯᒃᔭᖓᓗᓐᓂᑦ ᐃᒥᐅᑦ; (ᑎ) ᐊᓯᓪᓕᕐᑕᐅᓂᖓ ᑯᒃᓂᖓᑕ, ᐃᒪᐅᓂᖓᑕ, ᐊᕋᒍ ᐃᓗᐊᓂ ᐃᒪᐅᓕᖃᑦᑕᕈᓂᓗᓐᓂᑦ.  ᐃᒥᐅᑦ 

ᑭᓯᐊᓂ, ᐱᖃᓯᐅᑎᓯᒪᖏᑦᑐᖅ ᐅᒥᐊᒃᑯᑦ ᓇᒧᖓᐅᓇᓱᒃᓗᓂ ᐅᒥᐊᕐᔪᐊᒃᑯᓪᓗᓐᓂᑦ ᑲᓇᑕᐅᑦ ᐱᖁᔭᖓᓂᒃ ᐅᒥᐊᕐᔪᐊᓕᕆᓂᕐᒧᑦ ᐊᒃᑐᐊᔪᑦ ᐱᖁᔭᒥ, 2001.

ᐊᐱᖁᑎ. ᖃᐅᔨᓴᒐᒃᓴᒥᒃ ᐃᒥᕐᒥᒃ ᐱᓗᓂ ᖃᐅᔨᓴᕐᑕᐅᓂᐊᕐᓗᓂ ᐊᑐᕐᑕᐅᓂᖓ ᐃᒥᐅᑦ? 

ᑭᐅᔾᔪᑎ. ᐃ. ᐱᕐᓯᓂᐊᕐᓗᓂ ᐃᒥᕐᒥᒃ ᖃᓄᑐᐃᓐᓇᕐ ᐊᖏᑎᒋᒐᓗᐊᕈᓂ ᐃᒥᐅᔪᒥᑦ ᑕᐃᒪᓐᓇᑎᒋ ᐊᖏᑎᒋᔪᖅ ᐱᑕᖃᕈᓐᓂᕐᓂᖓᓄᑦ, ᕿᓚᒻᒥᐅᒍᓗᐊᕈᓂ, ᐊᖏᕐᑕᐅᓯᒪᔪᒧᑦ ᐃᒥᕐᒥᒃ ᐊᑐᕈᒪᔪᒧᑦ.

ᐊᐱᖁᑎ. ᖃᓄᕐ ᐊᔾᔨᒋᖏᓐᓂᖃᕐᐸᑦ ᐃᒪᐃᑦᑐᖅ A, ᐊᒻᒪᓗ ᐃᒪᐃᑦᑐᖅ B ᐱᔪᓐᓇᐅᑎᑦ ᐊᒻᒪᓗ ᐊᖏᕐᑕᐅᓯᒪᔪᖅ ᐱᔪᓐᓇᐅᑎᖃᖏᓪᓗᓂ? 

ᑭᐅᔾᔪᑎ. ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᕋᓴᐅᔭᒃᑯᑦ ᑕᑯᔪᓐᓇᕐᑕᐃᑦ ᐅᓂᑲᕐᓯᒪᔪᖅ.

ᐊᐱᖁᑎ. ᑐᑭᒧᐊᒃᑎᑕᐅᓪᓗᓂ ᐊᐅᓚᓂᖓ ᑭᓱᕙ? 

ᑭᐅᔾᔪᑎ. ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᓗᒍ ᖃᕋᓴᐅᔭᒃᑯᑦ ᑎᑎᕋᕐᓯᒪᔪᑦ. 

ᐊᐱᖁᑎ. ᑭᓱᕙ ᐱᔪᓐᓇᐅᑎᑕᕋᓱᒃᓗᓂ ᐊᐅᓚᓂᖓ, ᐊᒻᒪᓗ ᖃᓄᕐ ᐊᑯᓂᐅᑎᒋᔪᖅ ᐊᑐᓂ ᐱᓇᓱᒃᓂᐅᔪᑦ ᐊᐅᓚᓂᖃᕐᐸᑦ? 

ᑭᐅᔾᔪᑎ. ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᓗᒍ ᖃᕋᓴᐅᔭᒃᑯᑦ ᑎᑎᕋᕐᓯᒪᔪᑦ. 

ᐊᐱᖁᑎ. ᖃᓄᕐ ᐊᑯᓂᐅᑎᒋᔪᖅ ᐃᒥᕐᒥᒃ ᐱᔪᓐᓇᐅᑎᑕᕋᓱᒃᓗᓂ? 

ᑭᐅᔾᔪᑎ. ᐊᐅᓚᓂᖓ ᐊᑯᓂᐅᑎᒋᔪᓐᓇᕐᑐᖅ (6) ᐱᓇᓱᐊᕈᓯᕐᓂᒃ ᐃᓚᖏᑦ ᐊᕋᒍ ᐅᖓᑕᓄᑦ, ᒪᓕᒃᑲᔭᕐᑐᖅ ᖃᓄᑎᒋ ᐱᔭᕆᑐᑎᒋᓂᖓ ᐊᒻᒪᓗ ᐊᖏᓂᖓ ᐱᓕᕆᐊᖑᔪᑦ, ᐊᒻᒪᓗ ᐊᕙᑎᓕᕆᓂᕐᒥᒃ ᖃᐅᔨᓴᕐᑕᐅᔭᕆᐊᕐᒪᖓᑦ ᐱᔪᓐᓇᐅᑎᑕᓚᐅᖏᓐᓂᖓᓂ ᐃᒥᓕᕆᔨᒃᑯᓐᓂᑦ. 

ᐊᐱᖁᑎ. ᑭᓇᒧᑦ ᓯᒃᑭᓕᐅᕋᔭᕐᐳᖓ ᐊᑭᓕᕆᐊᓕᒃᓄᑦ ᐃᒥᕐᒧᑦ ᐅᕙᓗᓐᓂᑦ ᑎᑎᕋᓕᕆᔾᔪᑎᒧᑦ ᐱᔪᒪᔭᐅᓯᒪᔪᑦ ᐃᒥᓕᕆᔨᒃᑯᓐᓂᑦ? 

ᑭᐅᔾᔪᑎ. ᑕᒪᕐᒥᒃ ᐊᑭᓕᐅᑕᐅᔪᑦ ᑐᕋᖓᓗᒋᑦ ᐅᕗᖓ "Receiver General for Canada".