Tamaita NWB-kut naalakvit ihumaliugutitlu hivuliqtauyut tapkunanga malikhugitlu aulatyutinut maligait ihumagiyaunitlu ilitquhit nakuamugutit. Tahapkuat ihumagiyaunit atuqtut tamaitnut Kanatamiut aulattiyit katimayit apiqhuiyigalaatlu qanugitkaluaqtitlugit kitutliqak maligait, maligauyut pitquhitluniit pinguqtauhimayut tapkunanga inmiguqtunit katimayit apiqhuiyigalaatluniit.

Qanga pivat ihumagiyaunit ilitquhit nakuamugutit atuliqat NWB-kutnut?

Tapkuat ihumagiyauni ilitquhit nakuamugutit atuqtut quyaginnaq piyagangata NWB-kut ihumaliuqnit tapkuninga akhut aktuanit pilagutai ahiinut, ilautitlugit havanguyunut uuktugutilgit, tuhaumaqatauyumayut ilauyut, ilauyutlu inungnut.  

Hunauvat ihumagiyaunit tapkununga ilitquhit nakuamugutit?

Piqaqtuq pingahunik atuqpiartunik ihumagiyaunit tamaitnik ayyikkiktitainiqmik hivuligutaulat ihumaliugutinut tamaitnik aulattiyinut katimayit apiqhuiyigalaatlu, ilautitlugit tapkuat NWB-kut.

1. Inuit pilagutilgit tuhaqtauyangit. Humiliqak inuup piyumania nakuungittumik aktuayaunia ihumaliugutainut tapkuat NWB-kut piyalgit naamaktumik pilaqvikhainik hatqiqtitainiqmun pityutimingnik.

2. NWB-kut ihumaliugutai piyalgit piyaulutik tamaitnik ayyikkiktitailutik.

3. NWB-kut ihumaliugutai piyalgit pihimanit naunaipkutaqnit pingitlugitlu ihumagikaphukninit pinahuqugiyainitluniit. Tapkuat ihumaliugutit tuhaumapkagialgit pilugit hatqiqtitnit naunaipkutauyut atuqtauyut ihumaliugutauyunut.

Atuqnit tapkuatihumagiyaunit ilitquhit nakuamugutit 

Piplugit tahapkuat ihumagiyaunit kitutliqak havanguyunut uuktugutilgit, tuhaumaqatauyumayut ialuyut, ialuyutluniit inungnut akhut aktuyaulat tapkunanga NWB-kut ihumaliugutainit piyalgit:

• Piqaqtitauyalgit tamaitnik atuqniliknit tuhagakhat piplugit tapkuat hunat pityutaunit ihumaliugutit.

• Piqaqnit naamaktumik tuhaumatitni kitutliqak pityuhit atuqtauyut aktualaqnit piyumayainut. Naamaktumik pinahuaqtukhat pipkaqninut tamaita tugangayut atugakhaliat.

• Pipkaqnit pityutiqaqni ukpigininut tapkuat NWB-kutihumaliugutai tamaitnut ayyikkiktitainit. (Tamna uuktutaunia tamaitnut ayyikkiktitaini naliaknutluniit piqagianga ihumagiyauni tamaitnik ayyikiktitainit inungmit aktuayaulaq tapkunanga NWB-kut ihumaliugutainit, pingitpalluqlugu apiqutaunia naliaknut tapkuat NWB-kut katimayitluniit tamaitnik ayyikkiktitaingittangi. Tamna ihumagiyaunia ayyikkiktitainiq pityutiqattiagialik.)

• Pihimanit pilagutinik akigaqtuiniq tapkuninga NWB-kut tamaitnik ayyikkiktitaingittangi.

• Pihimaniq naamaktumik ukpiginit tapkuat NWB-kut naamaktumik qauyimayiuyuqagiangi kangiqhimaninut tapkuat pityutauyut hanganittut.

• Pipkaqnit piqaqtitni qauyimayut hatqiqtitainitluniit tautuktiuyut ikayuqninut pityutai ihumagiyamingnut pityutinut.

• Pilaqnilgit tamaitnik naunaipkutat hatqiqtitnit ahiinit tuhaumaqatauyumayut ilauyut.

• Naalakvikmi, pilaqnit piyauninik uqaqtiuyunik kivgaqtutit piyaqaqnitigut pinahauqnit naamaktumik kangiqhimanit naunaipkutat kangiqhimayauyamilu.

• Pitaqnit titigaqhimayut ihumaliugutit pityutiqaqtitlugit.