Havangi Pilaqvigiyait

Tapkuat Nunavut Imaligiyit Katimayit atuqniqhait havagiyai laisataqtitiniq atuqninut imait5 iqaqnilu iqakut.

Tapkuat Katimayit piyalgit, atuqninut tapkuat laisataqtitiniqmun hakugiknigiyait, ihumagiqahityaqni kitutliqak huguilat aktuanit atuqlaqninut imait iqaqniluniit iqakut tigumiaqlugitlu, naamagangata, inungnik naalakvikmik. Havalgit hakugiknilgitlu atuqtauninut, aulatauninut maligaqaqtitninutlu nunamiittut imait Nunavutmi havalgitlu piqaqtitninut tapkuat nunguttailinit atuqtaunilu imait Nunavutmi – kihimiungititlugit nunaqyuaqmi minguiqhirviit – pilugit piqaqtitinit nakuuniqhamik ihuaqutaunit nunaliuyunut Nunavutmi piluaqtumik Kanatamiutlu tamaitnut.

Pitagahuaqhugit ukuat, tapkuat NWB-kut atuqtai pityuhit imaliqutinut imaligityutauyutlu, ilautitlugit Ahiit naunaiyaiyit havagiyait, ihuaqhihimanilu tukhigautaunit tukhigautini, piplugit tugangayut piquyat mailgaitlu piplugit nunamiittut imait maniqami nunaplu iluani imait.

Tapkuat NWB-kut aulayut ataqpiangittugit kavamauyut ahiilu ilauyut ilagiyauplutiklu anginiqhamik aulattiyit havaginit ilaqaqtitlugit ahiinik Inungnut Kavamagiyauqatauyut, ilautitlugit tapkuat Nunavut Nunap Qangani Pilagutilgit Apiqhuiyigalaat, tapkuat Nunavut Avatiligiyit Katimayit tapkuatlu Nunavut Parnaiyiit Katimayit, tahapkualuttauq Ahiit nuap atuqninut piqaqnitlu aulattiyit timigiyait tapkuatut, Nunaliit Avikhimaninut Uumayuligiyit Timigiyait, nunaliknilu Angutikhaligiyit Katimayit. Piluaqtumik, tapkuat NWB-kut piyalgit ikayuqtigiknit tapkununga Nunavut Parnaiyiit Katimayit pivaliatitninut nunap atuqtauninut upalugaiyainiq aktuaninut imait, tapkuatlu Nunavut Avatiligiyit Katimayit naunaiyaqninut avatiliqutit inuliqutitlu-maniliugutit aktuanit imaqmun-tuganganit havanguyut uuktugutai.