Havagiyai Havagiaqaqtaitlu

Tahapkuat titiqat ilia aturniqhat havat havagiyaitlu ilait aturniqpat piqatauyut ilauyut laisaliginiqmun pityuhinut: 

Nunavut Imaligiyit Katimayit (qulaanut) 

  • Naunaiqnit piyangi tukhigaut piyauyanga Katimayinit havanguyunut huliniitlu aulatauyangi pitquhitlu iniqhimanit piplugit tapkuat Katimayit pigialaqnit laisaliqutit pityuhinik.
  • Naunaiqlugu qanugittunia pilagutit tuniyauyukhat (angigutit laisaqangittumik, Qanugittunia “B” tamnaluniit Qanugittunia “A” Laisauyuq) tukhigautinut tugangayut huliniit havanguyutlu piqatai taphuma havanguyut.
  • Naunaiqnit piyaqagiangi inungnik naalaktitiniq piyaqagiakhait tukhigautinut.
  • Provide public notice of applications and related correspondence.
  • Pinahuaqvigini uqauhiit atugahuaqunilu tuhaumaqatauyumayut piqatauyut inungnitlu naunaiqnitigut inungnut naunaiyaqnit pivigiya tukhigautit.
  • Ihumagilugu, naamagangat, tapkuat uqauhit atugahuaqunitlu piqaqtitauyut tuhaumaqatauyumayunit inungnitlu atuqninit allatqit tukligikninauniayainit pityuhi tukhigautit.
  • Ilaliutyaqni tugangayut atugahuaqunit, naamagangat, ihumaliugutinut tugangayut pilagutainut Katimayit tuniyai.  
  • Atuqtinitnahuaqni ihuaqhigiagutinut havagutit, pityutiqattiartunut, ihuaqhigiarnit imait utiqviunit pityutit tapkunanga uuktugutilgit atuqnilgitlu Inuit Timigiyait.
  • Tuninit piyagakitumik ihumaliugutit allatqinut tukhigautit hagagiyai Katimayit.
  • Pinahuaqni Minihitauyumin angiqtauni tuniyauyunut Qanugittunia "A" laisauyut tuniyai Katimayit.

Uutugutilik / Tukhigartuq (qulaanut) 

  • Tunilugit iniqhimayut tukhigautit ikayuqhiutiyutlu tuhagakhat tapkununga Katimayit havanguyunut huliniitluniit ihumagiyauyut tapkununga havanguyunut.
  • Hugiaqni piyagakittumik tamaita tuhagakhat piyaqaqnit naunaiqtai Katimayit pityutilgitlu ilauyut hivuani, atuqtitlugu, kinguagutlu inungnit naunaiyaqnit pivikha tukhigautit hagagiyai Katimayit.
  •  Ilauqpiarniq inungnut naunaiyainit pityuhit tamaitnut havanguyut huliniitlu piqatai tugangayut havanguyunut.
  • Havaknit ikayuqtigikhutik ilauyunut ihuaqhinahuaqhugit pitaqhimaittut pityutit piyagakittumik ayuqnaittagangat.
  • Malikhaqni maligait atugialgitlu tamaitnut pilagutit tuniyauyut tapkunanga Katimayit taihimayunut havanguyut huliniitlu piqtai tapkuat havanguyut.

Inungnut (qulaanut) 

(Inungnut ilalgit Pityutilgit, Inuuhuktut Ilagit, Aqnait Ilagit, HTO-kut, Hamlatkut, ahiilu)

  • Ilauqpiarniq inungnit naunaiyaqni pityuhit tukhigautinut hagagiyai Katimayit.
  • Piqaqtitnit Katimayit uqauhiqnik atugahuaquyauyuniklu tugangayut pityutinut naunaiqtauyut atuqtitlugu tapkuat naunaiyaqninut pityuhit tukhigautinut.
  • Maliknit naunaiqpagiqhimayut piyauvikhai kiklikhailu ihuaqhiyauni titigaqhimayutlu tukhigautinutnaunaiyaqtai Katimayit.
  • Havaknit ikayuqtigikhuni piqatauyunut piyagakittumik ihuaqhaqni pitaqhimailgut pityutit naunaiqtauyut atuqtitlugu inungnit naunaiyaqnit pivigiya tukhigautinut huli pipkaqni Katimayit tuhaumapkainaqnit ihauqhiyauyunut pitaqhimailgunutlu pityutinik.

Taiyauyut Inuit Timingyat (DIO) (qulaanut) 

  • Ilauniq tamaitnut naunaiyaqnit pityuhinut tukhigautit tuniuqagauyut inungnut Katimayinit naunaiyaqtakhat.
  • Naunaiqni ihumalutit pityutitlu tugangayut tapkununga Taiyauyut Inuit Timingat piluaqtumik nunaliit avikhimaniani (Kitikmeot, Kivalliq, tamnalu Qikiqtani) tapkununga havanguyuq huliniitluniit atuqtauyut.
  • Iniqlugit kitutliqak imaqmun utiqviuninut angigutit tapkununga uuktugutiliknut, nakuuniqhaq hivuani inungnik naalakvikmun katimayitluniit ihumaliugutainut havanguyunut tugangayut puliaqtumik havanguyunut.
  • Tuhaqhitni Katimayit piyagakittumik kitutliqak imaqmun utiqviunit angigutit pitaqnit tapkununga Uuktugutilgit havanguyunut naunaiyaqtainut Katimayit.

Nunavut Avatiligiyit Katimayit (NIRB) (qulaanut) 

  • Naunaiyaqni havanguyunut uuktutit naunaigahuaqhugit naunaiyagiaqagiakhait naunaiyangitkaluaqlugitluniit
  • Naunaiqni unniqtuqnilu piplugit nunaliit avikhimaniani aktuanit havanguyup, taimaittut unniqtutit ihumagiqahiutiyakhai Minihitauyup naunaiqninut nunaliit avikhimania piyumayainik.
  • Naunaiqni uumatyutit havagutai inuliqutit-maniliugutit aktuanit havanguyumun uuktutit.
  • Naunaiqni, piplugit naunaiyaqnit, naliaknut havanguyumun uuktutauyut kayuhinaigiangi, piniaqat, qanuq maligaitnut atugiaqaqnitlu, taimalu tuhaqhitlugunaunaiqtaqtik MInihitauyumun, ilautitlugu, NIRB-kut naunaiqtat piplugu inuliqutit-maniliugutit aktuanit tugangangittunut uumatyutit aktuanit piyauniat atugahuaquni minihitauyumun.
  • Munagini havanguyuq maliklugit tapkuat piqagutai Ilanga 7-mi.

Nunavut Parnaiyiit Katimayit (NPC) (qulaanut) 

  • Naunaiqni Upalungaiyaivit Nunaliit Avikhimani.
  • Munaginia havanguyuq atuqpiagianga malikhaqmangangi nunap atuqnianut upalungaiyautinut.
  • Naunaiqni taihimayut upalungaiyainirmun ihumagiyaunit, pinahuaqni allatqiknilu atuqtut upalungaiyainirmun nunaliit avikhimani malikhagiakhai attaqtutqiyanut ihumagiyauni pinahuaqnilu.

Minihitauyuq @ Nunaqaqaqtuligiyit Ukiurtaqtumilu Pivaliayuligiyit Kanatami (AANDC) (qulaanut) 

  • Ihumaliugutai naliaknut angiqtauyangi tuniyaunit, ihuaqhigiaqnit, nutanguqtauni nutqaqtitnilu tapkuat Qanugittunia “A” laisauyut tamnaluniit Qanugittunia “B” laisauyut tapkuat inungnut naalakgutauyut.
  • Naunaiqni qanuqtut tapkuat kiinauyaliqutit nauttiumatai pihimayangi AANDC-kut malikhugit tugangayut maligait atugialgitlu laisauyuni tuniyai Imaligiyit.

Qauyihaiyi @ Nunaqaqaqtuligiyit Ukiurtaqtumilu Pivaliayuligiyit Kanatami (AANDC) (qulaanut) 

  • Atugiaqaqtitni maligait atugialgitlu tamaitnut pilagitit tuniyai Imaligiyit.
  • Naunaiyaqni havat piqatai havanguyut havagutauyutlu havanguyunut laisataqtitai Imaligiyit.
  • Uqautinia Minihitauyuq Katimayitluniit kitunutliqak tiliugutit tuniyai malikhugit nakataani 87(1) tapkunani Nunavut Imaliginiq Nunavutlu Nunap Qangani Piyungnautiligiyit Apiqhuiyigalaat Piquyat, (Nunavut Waters and Nunavut Surface Rights Tribunal Act, S.C. 2002, c. 10).
  • Naunaiqni laisauyuq maligianga piplugit atuqtauvaktut pipkaqni maligaqni atugiaqaqtitniluniit laisauyut.