ᓄᓇᕗᑦ ᐃᒪᓕᕆᔨᑦ ᑲᑎᒪᔨᑦ

ᓄᓇᕗᑦ ᐃᒥᓕᕆᓂᕐᒧᑦ ᑲᑎᒪᔨᖏᑦ ᐱᓕᕆᐊᒃᓴᖃᕐᑐᑦ ᐱᔪᓐᓇᕐᖢᑎᒃᓗ ᒪᓕᒐᓕᐅᕐᓗᑎᒃ, ᐊᑐᕐᑕᐅᓂᖓᓄᑦ ᐊᐅᓚᑦᑎᓗᑎᒃᓗ ᐃᒥᕐᒥᒃ ᓄᓇᕗᑦ ᓄᓇᖏᓐᓂ.

ᓄᓇᕗᑦ ᐃᒥᓕᕆᓂᕐᒧᑦ ᑲᑎᒪᔨᖏᑦ ᓴᐳᔾᔨᓇᓱᒃᒪᑕ, ᐊᐅᓚᑦᑎᓗᑎᒃᓗ ᐊᒻᒪᓗ ᒪᓕᒐᓕᐅᕐᓗᑎᒃ ᐃᒥᕐᓂᒃ ᓄᓇᕗᑦᒥ ᐱᖃᓯᐅᔾᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᑦ ᐊᒻᒪᓗ ᑭᒃᓕᓯᓂᐊᕐᑎᑦ ᖃᐅᔨᒪᔭᖏᑦ ᐊᕿᒃᓱᐃᓕᕋᖓᒥᒃ. ᐃᒥᓕᕆᔨᒃᑯᑦ ᐃᓂᖃᕐᑐᑦ ᐅᕐᓱᕐᑐᕐᒥ, ᓄᓇᕗᑦ.

ᑲᑎᒪᔨᑦ

ᐱᓕᕆᐊᒃᓴᒥᓂᒃ ᑲᔪᓯᑎᑦᑎᓴᓱᒃᖢᑎᒃ ᐱᔪᓐᓇᐅᑎᓕᕆᓂᒃᑯᑦ ᐊᑐᕐᑕᐅᓂᖏᓐᓄᑦ ᐃᒥᑦ ᑯᕕᔭᐅᓂᖏᓐᓄᓪᓗ, ᐱᔭᕆᐊᖃᕋᖓᑦ, ᑲᑎᒪᔨᑦ ᐃᓱᒪᒃᓴᒃᓯᐅᕈᑎᖃᖃᑦᑕᕐᑐᑦ ᐃᒃᐱᒃᓇᐅᑎᒐᔭᕐᑐᓂᒃ ᐊᕙᑎᑦᑎᓐᓄᑦ. ᑲᑎᒪᔨᑦ ᓴᕿᓯᒪᔪᑦ ᐃᓄᑐᐃᓐᓇᕐᓄᑦ ᒐᕙᒪᐅᓪᓗᑎᒃ ᐊᒻᒪᓗ ᑕᐃᒪᐃᓐᓂᖓᓄᑦ, ᑐᖓᓴᐃᖃᑦᑕᕐᑐᑦ ᖃᐅᔨᓇᓱᒃᐸᒃᖢᑎᒃᓗ ᐃᓚᐅᑎᑦᑎᓇᓱᒃᖢᑎᒃ ᐃᓄᑐᐃᓐᓇᕐᓂᒃ ᑎᒍᒥᐊᕐᑎᐅᔪᓂᒃᓗ. ᑲᔪᓯᑎᑦᑎᖃᑦᑕᕐᑐᑦ ᐃᓄᓕᒪᓂᒃ ᑲᑎᒪᑎᑦᑎᓪᓗᑎᒃ ᓄᓇᓕᒃᓂ ᐅᕙᓗᓐᓂᑦ ᖃᓂᒋᔭᓂᓚᖑᔪᒥ ᓄᓇᓕᐅᔪᒥ ᐱᓕᕆᕕᐅᔪᑦ. 

ᑲᑎᒪᔨᑦ ᐱᓕᕆᐊᒃᓴᖃᕐᑐᑦ ᐱᔪᓐᓇᕐᓂᖃᕐᖢᑎᒃᓗ ᐊᑐᕐᑕᐅᓂᖓᓄᑦ, ᐊᐅᓚᑕᐅᓂᖓᓄᑦ ᐊᒻᒪᓗ ᒪᓕᒐᓕᐅᕐᑕᐅᓂᖓᓄᑦ ᐃᒥᖅ ᓄᓇᕗᑦᒥ −ᑭᓯᐊᓂ ᒥᕐᖑᐃᕐᓯᕐᕕᑦ ᐱᖃᓯᐅᑎᖏᑦᑐᑦ− ᐱᐅᓚᖑᔪᒃᑯᑦ ᐱᕙᓪᓕᐅᑎᖃᓚᖑᒧᒃᑯᑦ ᐃᓄᖏᓐᓄᑦ ᓄᓇᕗᑦᒥ ᑲᓇᑕᒥᐅᓄᓪᓗ. 

ᐃᒥᓕᕆᔨᒃᑯᑦ ᐊᐅᓚᓂᖃᕐᑐᑦᒐᕙᒪᐅᔪᑦ ᓯᓚᑕᒍᑦ ᐊᓯᖏᓐᓂᒃᓗ ᐊᐅᓚᑕᐅᖏᑦᑐᑦ ᐊᒻᒪᓗ ᐃᓚᒋᔭᐅᓪᓗᑎᒃ ᐊᖏᓂᕐᓴᐅᔪᓄᑦ ᐊᐅᓚᑦᑎᓂᕐᒧᑦ ᓴᕿᓯᒪᔪᓄᑦ ᐃᓄᒃᓄᑦ ᑭᒐᕐᑐᐃᓪᓗᑎᒃ ᒐᕙᒪᐅᔪᑦ, ᐱᖃᓯᐅᑎᓪᓗᒋᑦ ᓄᓇᕗᑦᒥ ᓄᓇᖏᑕ ᖃᖏᓐᓂ ᐱᔪᓐᓇᐅᑎᓕᕆᓂᕐᒧᑦ ᑲᑎᒪᔨᐅᔪᑦ, ᓄᓇᕗᑦᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ, ᓄᓇᕗᑦᒥ ᓄᓇᒥᒃ ᐸᕐᓇᒃᑎᑦ, ᐊᓯᖏᓪᓗ ᓄᓇᓕᕆᔨᐅᔪᑦ ᓄᓇᒥᐅᑕᓕᕆᔨᓪᓗ ᓱᕐᓗ ᓄᓇᕗᑦᒥ ᐅᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ, ᐅᒪᔪᓕᕆᓂᕐᒧᓪᓗ ᑲᑎᒪᔨᐅᔪᑦ.