ᓄᓇᕗᒻᒥ ᐃᒪᕐᒥᐅᑕᓕᕆᔨᒃᑯᑦ ᑲᑎᒪᔨᖏᑦ ᐱᒋᐊᖅᑎᑕᐅᓂᑰᕗᑦ ᑎᑎᕋᖅᓯᒪᔪᖅ 15.4.1 ᓄᓇᕗᑖᕈᑎᓄᑦ ᐊᖏᕈᑎᑦ , ᓄᓇᕗᑦ ᐃᒪᓕᕆᔩᑦ ᑲᑎᒪᔨᖏᑦ ᓄᓇᕗᒻᒥ ᐊᒃᑐᐃᑐᐃᓐᓇᕆᐊᖃᖅᑐᓄᑦ ᑲᑎᒪᔨᓄᑦ ᐅᑯᓄᖓ ᓄᓇᕗᒻᒥ ᐸᕐᓇᐅᑎᓕᕆᓂᕐᒧ ᑲᑎᒪᔩᑦ ᓄᓇᕗᒻᓐ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ ᑲᑎᑕᐅᓪᓗᑎᒃ ᓄᓇᕗᒻᒥ ᐃᒪᕐᒥᐅᑕᓕᕆᓂᕐᒧᑦ ᑲᑎᒪᔨᐅᖃᑕᐅᕗᑦ, ᐅᖃᐅᔾᔪᖅᑐᐃᔪᓐᓇᕈᑎᒋᓕᖅᖢᓂᔾᔪᒃ ᒐᕙᒪᒃᑯᑦ ᐱᓕᕆᕕᖏᓐᓄᑦ ᐊᑐᓕᖁᔨᓪᓗᑎᒡᓘᓐᓃᑦ ᐃᒪᕐᒥᑕᐃᑦ ᐱᔾᔪᑎᒋᓪᓗᒋᑦ ᓄᓇᕗᑦ ᓄᓇᓕᖏᓐᓃᑦᑐ. ᒐᕙᒪᒃᑯᑦ ᐅᖃᐅᔾᔪᖅᑕᐅᔾᔪᑎᒋᔭᖏᑦ ᐊᑐᓕᖁᔭᐅᔾᔪᑎᒋᔭᖏᓪᓗ ᐃᓱᒪᒃᓴᖅᓯᐅᕈᑕᐅᔭᕆᐊᖃᕋᔭᖅᐳᑦ ᐊᒃᑐᐃᑐᐃᓐᓇᕆᐊᖃᕋᓱᖏᔭᐅᒍᑎᒃ ᐃᒪᕐᒥᐅᑕᓕᖕᓂᒃ.

ᓄᓇᕗᒻᒥ ᐃᒪᕐᒥᐅᑕᓕᕆᔨᒃᑯᑦ ᑲᑎᒪᔨᖏᑦ ᐃᒪᕐᒥᐅᑕᖃᕐᕕᖕᓂᒃ ᓴᐳᔾᔨᓯᒪᐃᓐᓇᕆᐊᕐᓂᐊᕐᒪᑕ ᐊᑐᖅᑕᐅᑦᑎᐊᕋᓗᐊᕐᒪᖔᑕᓗ ᑲᔪᓯᔪᒥᒃ ᖃᐅᔨᓴᐃᓐᓇᕐᓂᐊᖅᑐᑦ ᓯᕗᓂᒃᓴᑐᖃᑦᑎᓐᓄᑦ ᐃᑲᔫᐃᓐᓇᖁᓪᓗᒋᑦ ᐃᓄᖕᓂᒃ ᓄᓇᕗᒻᒦᑦᑐᓄᑦ ᑲᓇᑕᓕᒫᒦᑦᑐᓄᓪᓗ, ᒪᓕᑦᑎᐊᕐᓗᒋᓪᓗ ᐃᓄᐃᑦ ᖃᐅᔨᒪᔭᑐᖃᖏᑦ ᓄᓇᕗᒻᒥᓪᓗ ᓄᓇᖃᕐᓂᕐᒧᑦ ᐊᖏᖃᑎᒌᒍᑎ. ᐱᓕᕆᑦᑎᐊᕋᓱᐊᕐᓗᑎᒃ ᐱᓇᓱᐊᖅᑕᖏᓐᓂᒃ, ᓄᓇᕗᒻᒥ ᐃᒪᕐᒥᐅᑕᓕᕆᔨᒃᑯᑦ ᑲᑎᒪᔨᖏᑦ ᐱᓕᕆᓂᐊᖅᑕᖏᓐᓂᒃ ᐸᕐᓇᐅᑎᓕᐅᖅᓯᒪᓕᖅᐳᑦ ᐃᓚᐃᓕᖓᔪᒥᒃ:

• ᐱᓂᐊᕐᓂᖃᓪᓚᕆᒃᑐᒥᒃ, ᐃᓄᓕᕆᔪᒥᒃ, ᐱᖅᑯᓯᓕᕆᔪᒥᒃ, ᒪᑭᑕᔪᓐᓇᐅᑎᒥᒃ ᐋᖅᑭᒃᓱᖅᓯᒪᑦᑎᐊᖅᑐᒥᓪᓗ ᐊᕙᑎᖃᖅᑎᑦᑏᓐᓇᕋᓱᐊᕐᓗᑎᒃ ᑲᑎᒪᔩᑦ ᐱᓇᓱᐊᕋᓲᑎᖃᕐᓂᐊᖅᐳᑦ,
• ᐃᒃᐱᒍᓱᑦᑎᐊᕐᓗᑎᒃ ᐃᒪᕐᒥᐅᑕᓂᒃ ᓄᓇᕗᒻᒥᐅᓄᑦ ᐊᒃᓱᕉᑕᐅᔪᓂᒃ; ᐊᒻᒪᓗ
• ᓇᓗᓇᐃᔭᖅᑕᐅᓯᒪᔪᑦ ᑎᑎᕋᖅᑕᐅᕙᓂᖏᓐᓂᒃ ᐊᐅᓚᔾᔪᑎᖏᓐᓂᓪᓗ ᓄᓇᕗᒻᒥ ᐃᒪᕐᒥᐅᑕᓕᕆᓂᕐᒧᑦ ᑲᑎᒪᔩᑦ, ᐃᒪᕐᒥᐅᑕᓕᕆᔨᒃᑯᓪᓗ ᐸᕐᓇᐅᑎᒋᔭᖏᑦ ᓄᓇᕗᒻᒥᐅᓄᑦ ᑭᒡᒐᖅᑐᐃᔾᔪᑎᑦᑎᐊᕙᐅᓗᑎᒃ

ᐃᒪᕐᒥᐅᑕᓕᕆᓂᕐᒧᑦ ᐱᔾᔪᑏᑦ ᐃᓱᒫᓘᑎᐅᔪᓪᓗ ᓴᖅᑭᑕᐅᖃᑦᑕᖅᐳᑦ ᓄᓇᕗᒻᒥ ᐃᒪᓕᕆᔨᒃᑯᑦ ᑲᑎᒪᔨᖏᑎᒍᑦ ᓚᐃᓴᓯᑖᕋᓱᖕᓂᕐᒧᑦ ᑎᓕᔭᐅᓯᒪᔾᔪᑎᐅᔪᓂᒃ ᓄᓇᕗᒻᒥᓪᓗ ᐃᒪᓕᕆᔩᑦ ᑲᑎᒪᔨᖏᓐᓂᒃ ᐃᓱᒫᓘᑎᐅᓯᒪᔪᑦ ᑐᓂᔭᐅᕙᒃᑭᓪᓗᑎᒃ ᓄᓇᕗᒻᒥ ᐃᒪᕐᒥᐅᑕᓕᕆᔨᒃᑯᑦ ᑲᑎᔨᖏᓐᓄᑦ ᐃᓱᒪᒃᓴᖅᓯᐅᕈᑕᐅᖁᔭᐅᓪᓗᑎᒃ.