ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᑦ ᐃᑭᐊᖅᑭᕕᖓᓂᒃ ᓴᖅᑭᑦᑏᕗᑦ, ᐱᔾᔪᑎᖃᖅᖢᑎᒃ, ᑎᑎᕋᖅᑕᐅᓯᒪᖃᑦᑕᖅᑐᑦ ᖃᕆᑕᐅᔭᒃᑰᖓᓪᓗᑎᒃ ᓴᖅᑭᔮᖅᑎᑕᐅᖁᓪᓗᒋᑦ ᐱᒻᒪᑐᒃᑕᐅᑦᑎᐊᖏᓐᓇᖁᓪᓗᒋᓪᓗ ᓴᖅᑭᔮᕆᐊᖃᕐᓂᖏᑦ ᐱᖁᔭᐅᓯᒪᖕᒪᑕ ᑎᑎᕋᖅᓯᒪᔪᖅ 78ᒥ ᓄᓇᕗᑦ ᐃᒪᓕᕆᓂᖅ ᐊᒻᒪᓗ ᓄᓇᕗᑦ ᓄᓇᑉ ᖃᖓᓂ ᐱᔪᖕᓇᐅᓯᓕᕆᔨᑦ ᐊᐱᖅᓱᐃᔨᕋᓛᑦ ᐱᖁᔭᑦ  ᐊᒻᒪᓗ ᐃᓚᖓᓂ 15 ᑖᑉᑯᓇᓂ ᓄᓇᕗᑦ ᐃᒪᓕᕆᓂᖅᒧᑦ ᒪᓕᒐᐃᑦ. 

ᐊᖏᕈᑎᒋᔭᐃᑦ ᐊᑐᖅᑕᐅᓂᒃᓴᖓᓄᑦ ᓇᓗᓇᐃᔭᐅᑎᒥᒃ ᐱᔪᓐᓇᐅᑎᒋᓕᖅᐸᑦ ᐊᑐᕈᓐᓇᖅᓯᔾᔪᑎᒋᓪᓗᒍᓗ ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᑕ ᐃᑭᐊᖅᑭᕕᖓᓄᑦ. ᖃᕆᓴᐅᔭᒃᑯᑦ ᑕᑯᒋᐊᕈᕕᐅᒃ ᐊᑐᕈᕕᐅᒡᓘᓐᓃᑦ, ᐊᖏᕈᑎᒋᕙᑦ ᑖᓐᓇ ᐊᑐᖅᑕᐅᓂᒃᓴᖓᓄᑦ ᓇᓗᓇᐃᔭᐅᑎ.  

ᑲᙳᓇᖅᑐᒃᑰᕐᓂᖓᓄᑦ ᐅᔾᔨᖅᓱᖁᔭᐅᔾᔪᑎ

ᑐᓴᖅᑕᐅᑎᑦᑎᓂᐊᖅᑎᓪᓗᑎᒃ ᑎᑎᖅᑲᓂᒡᓘᓐᓃᑦ ᑐᓂᓯᓂᐊᖅᑎᓪᓗᑎᒃ ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᑕ ᐃᑭᐊᖅᑭᕕᖓᓄ ᖃᐅᔨᒪᔭᕆᐊᖃᖅᐳᑎᑦ ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᑦ ᐃᓄᓕᒫᓄᑦ ᐊᑐᖅᓯᑦᑎᐊᕆᐊᖃᕐᒪᑕ ᓄᓇᕗᑖᕈᑎᓄᑦ ᐊᖏᕈᑎᑦ  ᐊᒻᒪᓗ ᑖᑉᑯᐊᑦ ᓄᓇᕗᑦ ᐃᒪᓕᕆᓂᖅ ᐊᒻᒪᓗ ᓄᓇᕗᑦ ᓄᓇᑉ ᖃᖓᓂ ᐱᔪᖕᓇᐅᓯᓕᕆᔨᑦ ᐊᐱᖅᓱᐃᔨᕋᓛᑦ ᐱᖁᔭᑦ , ᖃᐅᔨᒪᓂᐊᖅᐳᑎᑦ ᐱᔪᓐᓇᐅᑎᖃᖏᓐᓇᕕᑦ ᑲᙳᓇᖅᑐᒃᑰᕈᑎᓄᑦ ᓴᐳᔾᔭᐅᓯᒪᒐᔭᖏᒻᒪᑕ ᑐᓴᖅᑎᑦᑎᔾᔪᑎᒋᔭᑎᑦ ᑎᑎᖅᑲᓪᓘᓐᓃᑦ. ᑐᓴᖅᑕᐅᔭᕆᐊᖃᖏᑦᑐᓂᒃ ᑐᓴᖅᑎᑦᑎᓐᓂᕐᓗᑎᒃ ᑎᑎᖅᑲᓂᒡᓘᓐᓃᑦ ᑐᓂᓯᓐᓂᕐᓗᑎᒃ, ᑕᒪᓐᓇ ᑎᑎᕋᖅᑕᐅᓯᒪᔪᖅ ᑲᙳᓇᖅᑐᒃᑰᕐᓂᖓᓄᑦ ᐅᔾᔨᖅᓱᖁᔭᐅᔾᔪᑎ ᐊᖏᖃᑎᒌᒍᑎᒋᕙᑦ ᐃᓄᓕᒫᓄᑦ ᐃᑭᐊᖅᑭᕕᐅᓂᖓ ᐱᔾᔪᑎᒋᓪᓗᒍ.

ᑐᓴᖅᑕᐅᑎᑦᑎᓐᓂᕐᓗᑎᒃ ᑎᑎᕋᕐᓂᕐᓗᑎᓪᓘᓐᓃᑦ ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᓐᓄᑦ ᑲᖑᓇᖅᑑᓐᓂᕐᓗᓂ, ᓲᕐᓗ ᐃᖅᑲᓇᐃᔭᖅᑖᕋᓲᑏᑦ ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᓐᓄᑦ, ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᑦ ᖃᐅᔨᓴᐃᑦᑎᐊᕐᓂᐊᖅᑐᑦ ᑲᙳᓇᖅᑐᒃᑰᕆᐊᖃᕐᒪᖔ ᑐᓂᔭᑎᑦ.

ᓇᒃᓯᐅᑎᔭᐅᔪᑦ (ᐃᓄᓕᒫᒨᖓᖏᑦᑐᑦ) ᑐᓂᔭᐅᓗᑎᒃ ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᓐᓄᑦ ᓴᐳᔾᔭᐅᓯᒪᕗᑦ ᐃᒥᒍᕈᑎᓄᑦ ᐱᖁᔭᑦ.  ᑐᓴᖅᑎᑕᐅᔾᔪᑎᒋᓕᕋᔭᖅᑕᑎᑦ ᓇᒃᓯᐅᔾᔨᓚᐅᕐᓂᕋᕕᑦ ᑲᙳᓇᖅᑐᒃᑰᕆᐊᓕᖕᓂᒃ ᐅᖃᐅᑎᔭᐅᑦᑎᐊᕐᓗᑎᓪᓗ ᐱᔪᒪᑳᓪᓚᖕᓂᕈᕕᒋᑦ ᖃᓄᖅ ᑐᓂᔭᐅᒃᑲᓐᓂᕈᓐᓇᕋᔭᕐᒪᖔᑕ.

ᓱᓕᑦᑎᐊᖅᑐᓂᒃ ᑐᓴᐅᒪᑎᑦᑎᔾᔪᑎᖃᕐᓂᖅ

ᐃᓄᓕᒫᓅᖓᔪᑦ ᑐᓴᖅᑕᐅᔪᒃᓴᑦ ᑕᕝᕙᓂ ᐃᑭᐊᖅᑭᕕᖕᒥ ᑐᓂᔭᐅᓯᒪᔪᑦ ᑭᓇᑐᐃᓐᓇᕐᒥ ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᓐᓂᖔᖏᖦᖢᑎᒃ. ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᑦ ᐅᖃᕈᓐᓇᖏᓚᑦ ᐃᓄᓕᒫᓅᖓᔪᑦ ᑐᓴᖅᑕᐅᔪᒃᓴᑦ ᐃᑭᐊᖅᑭᕕᖓᓂᒃ ᓄᑖᖑᖕᒪᖔᑕ, ᓱᓕᑦᑎᐊᕋᓗᐊᕐᒪᖔᑕ, ᑕᒻᒪᖅᑕᖅᓯᒪᔪᖃᐅᖏᒃᑲᓗᐊᕐᒪᖔᑕᓘᓐᓃᑦ. ᑭᓇᑐᐃᓐᓇᖅ ᐃᓄᓕᒫᓅᖓᔪᓂᒃ ᑐᓴᖅᑕᐅᔪᒃᓴᒃᑰᕐᓗᓂ ᐃᑭᐊᖅᑭᕕᒃᑎᒍᑦ ᓇᖕᒥᓂᖅ ᖃᐅᔨᒪᑦᑎᐊᕆᐊᖃᖅᐳᖅ ᐊᑐᖅᑎᐅᓂᐊᕐᓗᓂ. ᐊᑐᖅᑎᐅᓂᐊᖅᑐᑦ ᐃᑭᐊᖅᑭᕕᖕᒥ ᐅᔾᔨᕈᓱᑦᑎᐊᖁᔭᐅᕗᑦ ᐃᓗᐊᖏᓕᐅᕈᑎᖃᕐᓂᐊᖏᒃᑲᓗᐊᕐᒪᖔᑕ.

ᐸᓯᔭᒃᓴᙳᕈᑎᒋᔭᐅᔪᓐᓇᖏᓐᓂᖏᑦ

ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᑦ ᑕᑎᖃᑦᑎᐊᕐᒪᑕ ᐸᓯᔭᒃᓴᙳᕈᓐᓇᖏᓐᓂᖏᓐᓂᒃ ᑎᑎᕋᖅᓯᒪᔪᖅ 31ᒥ ᑖᑉᑯᓇᓂ ᓄᓇᕗᑦ ᐃᒪᓕᕆᓂᖅ ᐊᒻᒪᓗ ᓄᓇᕗᑦ ᓄᓇᑉ ᖃᖓᓂ ᐱᔪᖕᓇᐅᓯᓕᕆᔨᑦ ᐊᐱᖅᓱᐃᔨᕋᓛᑦ ᐱᖁᔭᑦ . ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᑦ ᐸᓯᔭᒃᓴᕈᕈᓐᓇᖏᓚᑦ ᑕᒻᒪᖅᑕᖅᓯᒪᔪᖃᐅᕋᓗᐊᕐᓂᕈᓂ ᐃᓗᐊᖏᓕᐅᕈᑎᑕᖃᕋᓗᐊᕐᓂᕈᓂᓗ ᐃᓄᓕᒫᓅᖓᓗᓂ ᑐᓴᒐᒃᓴᓄᑦ ᑕᕝᕙᓂ ᐃᑭᐊᖅᑭᕕᖕᒥ. ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᑦ ᐸᓯᔭᒃᓴᐅᔪᓐᓇᖏᓚᑦ ᐅᖃᖅᑕᐅᔪᓂᒃ ᑕᑎᖃᕐᓂᕋᐃᔪᓂᒡᓗ ᐃᑭᐊᖅᑭᕕᐅᑉ ᐊᑐᖅᑕᐅᓂᖓᓄᑦ ᑐᓴᒐᒃᓯᕆᔭᐅᔪᓃᑦᑐᓂᒡᓗ.

ᐃᓄᓕᒫᓄᑦ ᑐᓴᐅᒪᖃᑦᑕᐅᑎᔾᔪᑏᑦ

ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᓐᓄᑦ ᐊᑐᖃᑦᑕᕐᓂᖓᓂᒃ ᐃᓄᓕᒫᓄᑦ ᑐᓴᐅᒪᖃᑦᑕᐅᑎᔾᔪᑏᑦ ᐃᑲᔪᖅᑐᐃᖕᒪᑦ ᐱᓇᓱᐊᖅᑕᖏᓐᓂᒃ. ᐃᓄᓕᒫᓄᑦ ᑐᓴᐅᒪᖃᑦᑕᐅᑎᔾᔪᑏᑦ ᐃᓄᓕᒫᓅᖓᖕᒪᑕ ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᓐᓄᓪᓗ ᐊᐅᓚᑕᐅᓇᑎᒃ. ᑭᒃᑯᑐᐃᓐᓇᐃᑦ ᐃᓚᐅᕝᕕᖃᕈᒪᑎᓪᓗᒋᑦ ᐃᓄᓕᒫᓅᑦ ᑐᓴᐅᒪᖃᑦᑕᐅᑎᔾᔪᑎᓂᒃ ᐅᖃᓕᒫᑦᑎᐊᖁᔭᐅᕗᑦ ᓄᓇᕗᑦ ᐃᒪᓕᕆᔩᑦ ᑲᑎᒪᔨᖏᑕ ᐊᑐᖅᑕᐅᓂᒃᓴᖓᓄᑦ ᓇᓗᓇᐃᔭᐅᑎᖏᓐᓂᒃ ᑲᙳᓇᖅᑐᓕᕆᓂᕐᒧᓪᓗ ᐊᑐᐊᒐᕆᔭᖏᓐᓂᒃ ᐊᒃᑐᐊᖓᓪᓚᕆᖏᑦᑐᑦ ᑐᓴᐅᒪᖃᑦᑕᐅᑎᔾᔪᑏᑦ ᑐᓂᓯᒪᔭᖏᓐᓂᒃ ᖃᕆᑕᐅᔭᓕᕆᔾᔪᑎᖏᓐᓂᒡᓗ. ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᑦ ᑐᓴᐅᒪᖃᑦᑕᐅᑎᔾᔪᑎᓂᒃ ᐊᑐᕈᓐᓇᑦᑎᐊᖅᐳᑦ ᑐᕕᑕᒥ ᐱᕙᓪᓕᐊᔪᑦ ᒪᓕᒃᑕᐅᔪᓐᓇᖅᑐᑦ ᑎᑎᖅᑲᑦ, ᕙᐃᔅ ᐳᒃᒥ ᐱᕙᓪᓕᐊᔪᑦ ᐊᔾᔨᙳᐊᖃᐅᖅᖢᑎᒃ ᖃᓄᐃᑕᐅᕙᓪᓕᐊᔪᓂᒃ ᑎᑎᕋᕐᕕᒃ, ᓕᒃᑲᑎᖕᒃ ᑕᑉᐱᖅᓱᐃᕙᓪᓕᐊᕕᒃ ᐃᓚᑖᖑᔪᓂᒃ ᐊᒻᒪ/ᓘᓐᓃᑦ ᔫ ᑑᑉᒥᒃ ᑕᕐᕆᔭᐅᑎᓕᕆᕕᖕᒥ.

ᐊᑐᖅᑕᐅᔪᖅ ᐱᖁᔭᖅ

ᐃᑭᐊᖅᑭᕕᑦᑎᓐᓂ ᐊᑐᖃᑦᑕᕐᓂᐊᖅᑐᑦ ᐊᖏᖃᑕᐅᕗᑦ ᑐᓴᖅᑕᐅᔪᒃᓴᑦ ᑎᑎᖅᑳᓪᓘᓐᓃᑦ ᐃᓄᓕᒫᓅᖓᔪᒃᑰᕐᓂᐊᖅᑎᓪᓗᒋᑦ ᐊᑭᕋᖅᑐᖅᑐᖃᕆᐊᖃᖏᖕᒪᑕ, ᓱᓕᖏᑦᑐᓂᒃ ᐅᖃᐅᓯᖃᕆᐊᖃᖏ ᐃᓅᖃᓐᓂᐊᕈᑎᖃᕆᐊᖃᖏᖦᖢᑎᒡᓗ ᓄᓇᑦᑕᓗ ᒐᕙᒪᖃᒃᑯᓪᓗ ᐱᖁᔭᕐᔪᐊᖏᓐᓂᒃ ᓯᖁᒥᑦᑎᖏᒃᑲᓗᐊᕐᒪᖔᑕ ᖃᐅᔨᒪᑦᑎᐊᕆᐊᖃᖅᖢᑎᒃ. ᐃᑭᐊᖅᑭᕕᑦᑎᓐᓂ ᐊᑐᖃᑦᑕᕐᓂᐊᖅᑐᑦ ᐸᓯᔭᒃᓴᖑᕈᑎᑖᕈᓐᓇᕐᒪᑕ ᖃᐅᔨᒪᓂᐊᖅᐳᑦ ᓄᓇᕗᑦ ᐃᖅᑲᑦᑐᐃᕕᓕᕆᔨᒃᑯᖏᓐᓂ ᐱᔭᐅᔪᓐᓇᕐᒪᑕ ᐃᓕᐅᖅᑲᖅᓯᒪᔭᓯ ᐃᓗᐊᖏᓕᐅᕈᑎᓐᓂᕈᑎᒃ ᑕᕝᕙᓂ ᐃᑭᐊᖅᑭᕕᑦᑎᓐᓂ ᐃᓗᓕᖏᓐᓂᓪᓘᓐᓃᑦ.

ᐃᑭᐊᖅᑭᕕᑦᑎᓐᓂ ᐊᑐᖅᑎᐅᓂᐊᖅᑐᑦ ᓱᓕᕗᖔᕈᑎᖃᖅᐳᑦ  ᓯᖁᒥᑦᑎᓂᐊᖏᓐᓂᕐᒧᑦ ᒪᓕᒐᖅᑎᒍᓪᓗ ᐱᔪᓐᓇᐅᑎᓂ ᐊᑐᕈᓐᓇᖏᓐᓂᖓᓂᒃ, ᓇᓕᐊᑐᐃᓐᓇᐅᒐᓗᐊᕈᓂ ᒪᓕᒐᖅ ᑕᑎᒋᔭᐅᔪᓐᓇᖅᓯᒪᓂᕋᕋᓗᐊᖅᑎᓪᓗᒍ, ᑭᓱᓕᒫᓄᑦ ᓱᓕᕗᖔᕈᑎ ᐊᑐᖅᐳᖅ ᒪᓕᒐᖅᑎᒍᑦ ᐸᓯᔭᒃᓴᙳᕈᑎᐅᔪᓐᓇᖅᑐᓂᒃ ᓄᓇᕗᒻᒥ ᐃᑭᐊᖅᑭᕕᑦᑎᓐᓂ ᐃᓗᓕᖏᓐᓂᓪᓗ ᐊᑐᖅᑕᐅᑎᓪᓗᒋᑦ.

ᐃᑭᐊᖅᑭᕕᒃ ᐊᐅᓚᑕᐅᖕᒪᑦ ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᓐᓄᑦ ᑎᑎᕋᕐᕕᖓᓃᖦᖢᓂ ᓄᓇᕗᑦ, ᑲᓇᑕᒥ. ᐊᑐᕆᐊᖃᕐᓂᕐᒧᑦ ᓇᓗᓇᐃᔭᐅᑏᑦ ᐊᑐᖅᑕᐅᖃᑦᑕᕐᓂᐊᖅᑐᑦ ᐃᑭᐊᖅᑭᕕᑦᑎᓐᓃᑦᑐᑦ ᑖᒃᑯᐊ ᐊᐅᓚᑕᐅᖕᒪᑕ ᓄᓇᕗᑦ ᒪᓕᒐᖏᓐᓂᒃ, ᓄᓇᕗᒻᒥ ᓄᓇᖃᕐᓂᕐᒧᑦ ᐊᖏᖃᑎᒌᒍᑎᒥᒃ ᑲᓇᑕᐅᓪᓗ ᐱᖁᔭᕐᔪᐊᖏᓐᓂᒃ, ᓄᓇᕗᒻᒧᑦ ᑐᕌᖓᔪᓂᒃ.

ᑖᒃᑯᓂᖓ ᐱᔾᔪᑎᖃᖅᖢᑎᒃ ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᑦ ᐸᓯᔭᒃᓴᐅᖏᓚᑦ ᐃᖅᑲᖅᑐᐃᕕᓄᑦ ᓇᒥᑐᐃᓐᓇᐃᖅ, ᑭᒡᓕᓯᓂᐊᖅᑕᐅᔭᕆᐊᓕᖕᓄᓪᓘᓐᓃᑦ ᓄᓇᕗᑦ ᓯᓚᑖᓃᖔᖅᑐᓂᒃ ᐃᑭᐊᖅᑭᕕᑦᑎᓐᓂ ᐱᔭᐅᔪᓂᒃ ᑭᓇᑐᐃᓐᓇᑦᑎᐊᕐᒧᑦ ᓄᓇᕗᑦ ᓯᓚᑖᓃᑦᑐᒧᑦ.

ᐱᒋᔭᐅᓪᓚᕆᖕᓂᖏᑦ ᑐᓴᖅᑕᐅᔪᒃᓴᓕᐊᖑᔪᑦ ᐊᑐᖅᑕᐅᓂᖏᓪᓗ

ᑭᓱᑐᐃᓐᓇᓕᒫᑦ ᐃᑭᐊᖅᑭᕕᑦᑎᓐᓂᖔᖅᑐᑦ ᑐᕌᕈᑎᖃᖅᖢᓂ nwb-oen.caᒥ, ᑭᓯᐊᓂ ᓇᓗᓇᐃᖅᑕᐅᓯᓐᓂᕈᑎᒃ, ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᓐᓄᑦ ᐱᒋᔭᐅᓪᓚᕆᒃᐳᑦ. ᑭᓱᑐᐃᓐᓇᓕᒫᑦ ᓴᐳᔾᔭᐅᓯᒪᕗᑦ ᐱᒋᔭᐅᓪᓚᕆᖕᓂᖏᓐᓂᒃ ᓇᓗᓇᐃᒃᑯᑦᑎᖅᑕᐅᓯᒪᓪᓗᑎᒡᓗ ᒪᓕᒐᕐᔪᐊᑎᒍᑦ. ᑐᓴᖅᑕᐅᔪᒃᓴᓕᐊᖑᓯᒪᔪᑦ ᐃᑭᐊᖅᑭᕕᑦᑎᒍᑦ ᑕᑯᒃᓴᐅᑎᑕᐅᔪᓐᓇᑐᑦ, ᐋᖅᑭᒋᐊᖅᑕᐅᔪᓐᓇᖅᑐᑦ, ᐅᓄᖅᑐᓕᐅᖅᑕᐅᔪᓐᓇᖅᑐᑦ ᑭᓇᑐᐃᓐᓇᕐᒧᑦ, ᑭᓯᐊᓂ ᑮᓇᐅᔭᓕᐅᕈᑕᐅᓂᐊᖏᓪᓗᑎᒃ. ᐱᔪᒪᔪᑦ ᓇᖕᒥᓂᖅ ᐅᓄᖅᑐᓕᐅᕈᓐᓇᖏᓚᑦ ᑐᓂᓯᒃᑲᓐᓂᕈᓐᓇᒋᖦᖢᑎᒡᓗ ᐱᒋᔭᐅᓪᓚᕆᒃᑐᒥᒃ, ᐱᒋᐊᓚᐅᖏᑎᓪᓗᒋᑦ, ᐊᑐᕆᐊᓚᐅᖏᑎᓪᓗᒋᑦ, ᐊᔪᖅᑎᑕᐅᒐᔭᖅᐳᑦ ᑭᓯᐊᓂ ᐱᔪᓐᓇᐅᑎᖃᓕᖅᑎᓪᓗᒋᑦ ᑎᑎᕋᒃᑯᑦ ᓄᓇᕗᒻᒥ ᐃᒪᓕᕇᔩᑦ ᑲᑎᒪᔨᖏᓐᓂᖔᖅᑐᒥᒃ, ᐅᑯᐊ ᐱᔪᓐᓇᐅᑎᒋᔭᐅᔫᒐᓗᐊᑦ: ᐊᑕᐅᓯᕐᒥᒃ ᑕᕐᕋᓕᐅᕐᓗᓂ ᑎᑎᕋᖅᓯᒪᔪᒥᒃ ᐃᑭᐊᖅᑭᕕᑦᑎᓐᓃᑦᑐᓂᒃ, ᐃᓄᖕᒧᑦ ᑭᓯᐊᓂ ᐊᑐᖅᑕᐅᓂᐊᖅᑎᓪᓗᒍ, ᑮᓇᐅᔭᓕᐅᕈᑕᐅᓂᐊᖏᑎᓪᓗᒍ, ᐱᒋᔭᐅᓪᓚᕆᖕᓂᖓᓗ ᐊᓯᖏᓪᓗ ᑐᓴᖅᑕᐅᕕᐅᑎᓪᓗᒋᑦ ᑎᑎᕋᖃᓯᐅᔾᔭᐅᓯᒪᑎᓪᓗᒋᓪᓗ.  ᐃᑭᐊᖅᑭᕕᑦᑎᓐᓂ ᐅᓄᖅᑐᓕᐅᖅᑕᐅᓯᒪᔪᑦ ᑐᓐᓂᖅᓴᖅᑕᐅᔪᓇᖏᓚᑦ ᐊᓯᔅᓯᓐᓂᒃ, ᖃᕆᓴᐅᔭᒃᑰᖓᒐᓗᐊᖁᑎᒃ, ᐊᑭᓖᓯᒪᔾᔪᑎᒋᒐᓗᐊᕈᑎᒃ ᐃᓱᒪᒃᓴᖅᓯᐅᕈᑕᐅᓯᒪᒐᓗᐊᕈᑎᒃ, ᑎᑎᕋᖅᓯᒪᔪᒥᒃ ᐱᔪᓐᓇᐅᑎᖃᖏᓱᖓᕈᕕᑦ ᐊᔪᖅᑎᑕᐅᔪᑦ.

ᐃᑲᔪᙵ

ᐃᑭᐊᖅᑭᕕᕗᑦ ᐋᖅᑭᑦᑎᐊᖅᓯᒪᖏᓐᓂᖓᓄᑦ ᐊᔪᕐᓇᖅᑐᖃᕐᓂᕈᓂ ᑐᓴᑦᑎᑕᐅᔪᒪᕗᒍᑦ  websupport@nwb-oen.ca.

ᐊᑐᖅᑕᐅᓂᒃᓴᖓᓄᑦ ᓇᓗᓇᐃᔭᐅᑎᓂᒃ ᑭᓯᐊᓂ ᓇᓗᓇᐃᖅᑕᐅᓯᔪᑦ, ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᓐᓄᑦ  ᐱᖏᔭᐅᔪᐃᓐᓇᐅᕗᑦ.

ᐊᐱᖅᑯᑎᖃᕐᓂᕈᕕᑦ, ᐅᖃᐅᓯᒃᓴᖃᕈᕕᑦ, ᐃᓱᒫᓘᑎᖃᕈᕕᑦ ᐅᓐᓂᕐᓘᑏᒃᓴᖃᕈᕕᓪᓘᓐᓃᑦ ᑲᙳᓇᖅᑐᓕᕆᓂᕐᒧᑦ ᐱᖁᔭᖅ, ᑲᙳᓇᖅᑐᓕᕆᓂᕐᒧᑦ ᐊᑐᐊᒐᖓ ᐱᔾᔪᑎᒋᓪᓗᒍ ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᑕ ᐃᑭᐊᖅᑭᕕᖓᓂ ᑐᓴᕆᐊᕈᑎᒋᔪᓐᓇᑦᑎᐊᖅᐸᑎᑦ ᑎᑎᕋᖅᑕᐅᓯᒪᔪᓂᒃ ᐱᔪᖕᓇᕐᓃᑦ ᑐᓴᒐᒃᓴᓄᑦ ᐊᒻᒪᓗ ᐃᒥᒍᕈᑎᓄᑦ ᑲᒪᔨᒧᑦ.

ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᓐᓂ ᑭᐅᔭᐅᑦᑎᐊᕋᓱᒋᓐᓂᖏᒃᑯᕕᑦ ᑲᙳᓇᖅᑐᒃᑰᕈᑎ ᐱᔾᔪᑎᒋᓪᓗᒍ, ᐅᖄᓚᕝᕕᒋᔪᓐᓇᕆᕙᒃ ᑲᖑᓇᖅᑐᓕᕆᓂᕐᒧᒃ ᑭᒡᒐᖅᑐᖅᑎ  1-800-282-1376.