Tapkuat Nunavut Tagiuqmiutanut Katimayit (NMC-kut) pinguqtauhimayut tapkunanga Nakataani 15.4.1 tapkuat Nunavutagutinut Angigutit, tapkuat pilaqtitai tapkuat Nunavut Imaligiyit Katimayit, tapkuat Nunavut Avatiligiyit Katimayit, tapkuat Nunavut Parnaiyiit Katimayit tapkualu Nunavut Uumayuligiyiqyuatkut Katimayit piyangi, katitlutik tapkuangunit NMC-kut, uvaluniit ilikkuqlutik uqautyinit atugahuaqunitlu ahii kavamatkutni havaktiuyut piplugit tagiuqmiunut inigiyainut tahamani Nunavutagauyup Iluani. Kavamatkut ihumagiqahiutiyaqaqtai taimaittut uqautyaunit atugahuaquinitlu ihumaliuligaigumik aktuayunut tagiumun inigiyainut.

Tapkuat ihumagiyaunit tapkuat NMC-kut piqpiaqtitni tahapkuat kayuhinit hapuhimani ihumatuyumiklu atuqtitaunit tahamna tagiuqmi inigiyai hivituyumun ihuaqutauyukhat tahapkununga Inuit ahiinutlu inungnut tahamani Nunavutmi Kanatamilu, pilugit malikhaqnit tapkununga ihumagiyaunit tapkuat Inuit Qaujimajatuqangit tapkuatlu Nunavutagutinut Angigutit. Atuqtitninik tapkuat ihumagiyauni, tapkuat NMC-kut pivaliatihimayai tamna Aulatyutainut Pityutit tapkuat unniqtuqtait:

• Tamna takukhaunia, inuliqutit, ilitquhit, maniliugutit ihuaqhihimanit avatigiyait tapkuat Katimayit aulavigiyai;
• Tagiumi pityutauyut piluaqtumik atuqpiaqnit tahamunga Nunavutmi; tamnalu
• Tugangayut unniqtuqnit tapkuat aulatyutai aulataunitlu tapkuat NMC-kut, tapkunungalu NMC-kut upalungaiyautai atutiaqnit nipigiyat tahamunga Nunavut.

Amihut tagiumi pityutit ihumalutitlu hatqiqtitauyut atuqhugit tapkuat NWB-kut laisaliginiqmun pityuhit havagiyaunit pilaqmiyut hivunmuktitnit tapkunanga NWB-kut katutyiqatigiyainut tapkunani Nunavut Tagiumiutaqnut Katimayit ihumagiqahiutiyakhait.

Nunavut Marine Council Business Case: