Pilagutai Qanugittunia A, Qanugittunia B Lasisauyut Pilagutitlu

Nakataani 11 tamnalu 12 tapkunani Nunavut Imait tapkuatlu Nunavut Nunap Qangani Piyungnauhiligiyit Apiqhuiyigalaat Piquyat uingaiqtai tapkuat hilataani atuqpaknit ihuaqhihimayut tapkunani Nunavutagutinut Angigutit (NLCA) laisauyuq piyalik tapkuat atuqninut imaq iqaqniluniit iqakut imaqmun kihimiukpan:

  • tapkuat atuqnit iqaqnitluniit pikpata iluani nunaqyuaqmi minguiqhiqviit; tamnaluniit
  • tamna atqunia iqaqnialuniit pilaqtitaukpat tapkunanga Nunavut Imaliqutinut Maligait (apkuat Maligait).  

Nakataani 4 tamnalu 5 tapkunani Maligait titigaqhimayut taihimani atuqnit imait iqaqniluniit iqakut taphuma laisauyup piyaqangitai kihimik tapkuat Katimayit angigutai huli piyalgit. Tamaita uqauhigiplugit, tahapkuat imaq atuqni iqaqniluniit iqakut tahapkuat angivalalaittut aktuanit nakuuninut, aktilanginut, kuukninutluniit imaqnut.

Atugakhaliat 1 tapkunani Maligait piqaqtitai titiqat aitnguyut qanugittuni havanguyut ilalgit imaqmik atuqnit iqaqniluniit iqakut imaqmun tapkuat piyalgit Imaligiyit pilagutainik laisauyumikluniit. Atugakhaliat 2 tamnalu 3 tapkunani Maligait hulivalliq unniqtuqtai qanugittunit imaqmun atuqnit iqaqnilu iqakut imaqmun pilat atatyutaunit taimaittunut havanguyunut.  Atugakhaliat 2 tamnalu 3 hulivalliq unniqtuqtai piyangi Imaligiyit pilagutai, tamna Qanugittunia B laisauyuq, tamnaluniit Qanugittunia A laisauyuq piyalik. Tamaitnut uqauhiginit, malikhugit Atugakhaliat 2:

  • huliniit atuqhugit tungani 50 miitat kikagiktumik qau tamaat piyaqaqtut Imaligiyit pilagutainik;
  • huliniit atuqhugit akungani 50 miitat kikagiktumik tamnalu 300 miitat kikagiktumik qau tamaat piyalgit Qanugittunia B laisauyuq; tamnalu
  • huliniit atuqnit 300 miitat kikagiktumik avataanutluniit qau tamaat piyalgit Qanugittunia A laisauyuq.

Tamaitnik uqauhigiplugit, malikhugit Atugakhaliat 3 tapkuat qanugittuni iqaqnit iqakut imaqmun tapkuat piyalgit Imaligiyit pilagutainik ilalgit iqaqnit iqakut ilutuniqmun ahiiluniit iqakut iqaqnit angivalangittut aktuanit imaqmun. HIlatagut tapkuat piyaunit, tahapkuat amihuniqhat iqaqnit iqakut imaqmun piyalgit Qanugittunia B laisauyut.  Taman Qanugittunia A laisauyuq piyalgit tapkununga:

  • ilia pityutit ikautaqnit iqakut iqaqnit atatyutai uqhukhat kaasitlu qiniqtauninut;
  • tamaita iqakut iqaqnit piplugit uqhukhat kaasitlu hanayauninit;
  • iqaqnit piplugit uyagakhiurniqmun huliniit atuqni 300 miitat kikagiktumik avataanutluniit qau tamaat; tamnalu
  • kitutliqak iqaqnit iqakut nunaliyunut tapkuat imaqmun havagutit atuqnit 300 miitat kikagiktumik avataanutluniit qau tamaat.