ᐃᖃᓇᐃᔭᖅᑎᑦ

ᐱᔪᓐᓇᐅᑎᓕᕆᓂᖅ

Ida Porter
ᓚᐃᓴᓕᐅᑎᑦ ᐊᐅᓚᑦᔪᑎᖏᓄᑦ ᐃᑲᔪᖅᑎ

ᕕᔨᔅ ᐴᓕᐆ
ᐊᐅᓚᑦᑎᔨ ᓚᐃᓴᓕᕆᓂᖅᒧᑦ

ᕕᔨᔅ ᐴᓕᐆ ᐃᓚᐅᓕᕐᑐᖅ ᑖᑉᑯᓇᓂ ᐃᒪᓕᕆᔨᓂ ᑕᒡᕙᓂ ᐊᐃᐳᕈ, 2002−ᒥ. ᐊᑐᖅᓯᒪᔭᖏ 35 ᐊᕋᒍᓂᒃ ᐊᓪᓚᒃᕕᒃᒥ ᐊᐅᓚᑦᔪᑎᑦ ᐊᑐᖅᓯᒪᓂᖏᑦ, ᐱᓕᕆᓯᒪᑉᓗᓂ ᐃᖃᓇᐃᔮᓂᒃ ᑖᑉᑯᓇᓂ ᐅᖅᓱᖅᔪᐊᑦ ᐊᒻᒪᓗ ᑳᓯᑦ ᓴᓇᕕᖏᓄᑦ ᐊᒻᒪᓗ ᑖᑉᑯᓇᓂ ᑎᒥᖓᑦ ᐊᕙᑎᓕᕆᔨᑦ ᑕᒡᕙᓂ ᓄᕙ ᓯᑰᓯᐊᒥ, ᐊᒻᒪᓗ ᑖᑉᑯᓇᓂ ᑲᓇᑕᒥᐅᓂ ᑕᕆᐅᒥ ᒥᐅᓂᖅᓯᔨᓂ ᓄᓇᑦᓯᐊᖅᒥ.

ᒪᐃᒐᓐ ᐳᐊᑐᕐ
ᓚᐃᓴᓕᐅᑎᑦ ᐊᐅᓚᑦᔪᑎᖏᓄᑦ ᐃᑲᔪᖅᑎ

ᐃᓅᓯᒪᔪᖅ ᐊᒻᒪᓗ ᐱᕈᖅᓴᖅᑕᐅᑉᓗᓂ ᐅᖅᓱᖅᑑᒥ, ᒪᐃᒐᓐ ᐃᓂᖅᑕᖓ ᑖᒻᓇ ᓄᓇᕗᑦ ᓯᕗᓂᒃᓴᕗᑦ ᐱᓕᕆᑦᔪᑎᑦ 2008−ᒥ ᐋᑐᕙᒥ ᑕᒡᕙᓂ ᐃᓕᓐᓂᐊᖅᖢᓂ ᐃᓄᐃᑦ ᐊᑐᖅᓯᒪᔭᖏᓂᒃ, ᑖᑉᑯᓂᖓ ᓄᓇᕗᑖᕈᑎᓄᑦ ᐊᖏᕈᑎᓂᒃ, ᐅᑭᐅᕐᑕᖅᑐᒥ ᐊᑐᖅᑕᐅᕙᒃᑐᑦ ᑲᑎᒪᔨᐅᑦᑕᕐᓂᖅᒧᑦ ᐱᑦᔪᑎᑦ ᐊᒻᒪᓗ ᐃᓄᒃᑎᑐᑦ. ᓯᕗᐊᓂ ᐆᒪ, ᒪᐃᒐᓐ ᐃᓂᖅᑕᖓ ᑎᑎᕋᖅᑖᑦ ᐊᓪᓚᒃᕕᒃᒥ ᐊᐅᓚᑦᑎᑦᔪᑎᑦ ᑕᒡᕙᓂ ᓄᓇᕗᑦ ᐅᑭᐅᕐᑕᖅᑐᒥ ᓯᓚᑦᑐᖅᓴᐃᕕᒃᒥ 2007−ᒥ. ᐃᖃᓇᐃᔭᖅᓯᒪᔪᖅ ᒪᓕᒐᓕᐅᖅᑎᒧᑦ ᐃᑲᔪᖅᑎᐅᓂᖅᒥᒃ ᑖᑉᓱᒧᖓ ᓇᑦᑎᓕᒃ ᒪᓕᒐᓕᐅᖅᑎᒧᑦ ᑖᑉᑯᓇᓂ ᓄᓇᕗᑦ ᒪᓕᒐᓕᐅᖅᑎᑦ (MLA) ᑕᒡᕙᖓ 2008 ᑎᑭᑦᓗᒍ 2010.
ᒪᐃᒐᓐ ᓂᕈᐊᖅᑕᐅᓯᒪᔪᖅ ᕼᐋᒻᓚᑯᑦᓄᑦ ᑲᑎᒪᔨᓄᑦ ᖃᑉᓯᓄᑦ ᐊᕋᒍᓄᑦ, ᑲᑎᒪᔨᓄᑦᓗ ᑖᑉᑯᓇᓂ ᓄᓇᓕᒃᓂ ᐃᓕᓴᖅᕕᓕᕆᔨᓄᑦ (DEA). ᐊᒻᒪᓗᑦᑕᐅᖅ ᓄᓇᓕᐅᔪᓂ, ᒪᐃᒐᓐ ᐃᓚᐅᔪᖅ ᐊᓪᓚᑦᖀᓂ ᑲᑎᒪᔨᕋᓛᓂ ᐊᒻᒪᓗ ᐃᑲᔪᖅᖢᓂ ᓛᓕᐹᒧᑦ ᑲᒪᔨᐅᑉᓗᓂ ᑖᑉᑯᓄᖓ ᓄᑲᖅᓰᑦ ᐊᖅᓇᐃᑦ ᕚᓕᐹᖅᑎᑦ ᐃᓚᒌᓄᑦ.

ᐃᓗᓕᖏᑦ

ᑕᐃᕕᑦ ᕼᐋᓐᓯᑕᐃᓐ
ᓯᕗᓕᖅᑎ ᐱᓗᐊᕐᓇᖅᑐᓕᐅᑎᓄᑦ ᑭᒐᖅᑐᕈᑎᑦ

ᑕᐃᕕᑦ ᕼᐋᓐᓯᑕᐃᓐ ᓯᕗᓪᓕᖅᒥᒃ ᐃᓚᐅᓕᕐᑐᖅ ᑖᑉᑯᓇᓂ ᐃᒪᓕᕆᔨᓂ 2003−ᒥ ᑖᒻᓇᐅᑉᓗᓂ ᐱᓗᐊᕐᓇᖅᑐᓕᖁᑎᓄᑦ ᐃᑲᔪᖅᑎ (ᐅᔭᕋᒃᓯᐅᕐᓂᑦᒧᑦ) ᐊᒻᒪᓗ ᑭᖑᐊᒍᑦ 2007 −ᒥ ᓯᕗᓕᕐᑎ ᐱᓗᐊᕐᓇᖅᑐᓕᖁᑎᓄᑦ ᑭᒐᖅᑐᕈᑎᓄᑦ. ᑕᐃᕕᑦ ᑎᑎᕋᖅᑕᖅᓯᒪᔪᖅ ᖃᐅᔨᒪᔨᐅᓂᖅᒧᑦ ᐱᓗᐊᕐᓇᖅᑐᓕᕆᔨ (ᐊᕙᑎᓕᖁᑎᓄᑦ), ᑎᑎᕋᖅᑕᖅᓯᒪᔪᖅ ᑖᑉᑯᓇᓂ ᑲᑎᒪᔨᑦ ᓇᐅᓇᐃᔭᐅᓂᖅᒧᑦ ᐊᒻᒪᓗ ᖃᐅᔨᒪᔨᐅᔪᑦ ᐱᓗᐊᕐᓇᐅᖅᑐᓕᖁᑎᑦ ᐱᓕᕆᔨᓚᕇᑦ ᐊᓪᐳᕐᑕᒥ (ASET). ᓯᕗᐊᓂ ᐊᑐᖅᓯᒪᔭᖓ ᐃᓚᖃᕐᑐᖅ ᖃᑉᓯᓄᑦ ᐊᕋᒍᓂᒃ ᑖᑉᑯᓇᓂ ᐊᓪᐳᕐᑕ ᑲᕙᒪᑯᑦᓂ, ᐊᕙᑎᓕᕆᔨᑦ ᓴᐳᓯᒪᓂᖏᓄᑦ ᐱᓕᕆᔨᑦ (ᓄᓇᓕᐅᔪᓂ ᖃᐅᔨᒪᔨᐅᔪᖅ) ᑭᖑᐊᒍᑦᓗ ᒥᒃᓵᓂ 19 ᐊᕋᒍᓂᒃ ᑖᑉᑯᓇᓂ ᐃᑯ ᐲ ᐅᔭᕋᒃᓯᐅᖅᑎᑦ ᓇᒥᓂᖃᖅᑐᑦ ᑖᒻᓇᐅᑉᓗᓂ ᓴᓐᓇᕕᒃᒥ ᐊᕙᑎᓕᖁᑎᓄᑦ ᐱᓗᐊᕐᕼᖅᑐᓕᕆᔨ ᑕᒡᕙᓂ ᓘᐱᓐ ᐅᔭᕋᒃᓯᐅᖅᕕᒃᒥ ᓴᓐᓇᕕᖓᓂ ᐊᒻᒪᓗ ᑭᖑᐊᒍᑦ ᐊᐅᓚᑦᑎᔨᐅᑉᓗᓂ ᐊᕙᑎᓕᖁᑎᓄᑦ ᐱᓕᕆᔨᓄᑦ.

ᓵᓐ B. ᔪᓴᕝ
ᐱᓗᐊᕐᓇᖅᑐᓕᐅᑎᓄᑦ ᐃᑲᔪᖅᑎ

ᓵᓐ ᐃᓚᐅᓕᕐᑐᖅ ᐃᒪᓕᕆᔨᓄᑦ ᑕᒡᕙᓂ ᔮᓄᐊᕆ 2010. ᐊᔪᖏᓂᖏ ᐃᓚᖃᖅᑐᑦ ᑖᑉᓱᒥᖓ ᑎᑎᕋᖅᑖᖅ ᖃᐅᔨᓴᐅᑎᓄᑦ, ᑖᒻᓇ A.A.S. ᑎᑎᕋᖅᑖᖅ ᐊᕙᑎᓕᖁᑎᓄᑦ ᐱᓗᐊᕐᓇᖅᑐᓕᖁᑎᑦ, ᑖᒻᓇ B.Tech. ᑎᑎᕋᕐᑕᖅ ᐊᕙᑎᓕᖁᑎᓄᑦ. ᓯᕗᐊᓂ ᐃᓚᐅᓕᖅᓂᐊᓴᖅᖢᓂ ᑖᑉᑯᓇᓂ ᐃᒪᓕᕆᔨᓂ, ᓵᓐ ᐃᖃᓇᐃᔭᖅᑐᖅ ᐱᓗᐊᕐᓇᖅᑐᓕᖁᑎᓄᑦ ᐃᑲᔪᖅᑎᐅᑉᓗᓂ ᑕᒡᕙᓂ ᐊᖏᓛᖓᓂ ᕚᓐᑰᔪᕐ ᐊᕕᒃᓯᒪᓂᖓᓄᑦ ᓄᓇᓖᑦ (Metro Vancouver) ᐊᒻᒪᓗ ᐊᕙᑎᓕᖁᑎᓄᑦ ᐱᓕᕆᔨᐅᑉᓗᓂ ᑖᑉᑯᓇᓂ ᓯᓈᖓᓂ ᑭᖓᐃᑦᐹᔅᓯᑦ ᓇᒥᓂᖃᖅᑐᑦ, ᐃᓚᒋᓚᕆᒃᑕᖓ ᑖᑉᑯᐊᑦ ᓄᓇᓕᐅᒃᔪᐊᑦ ᕚᓐᑰᕗᕐ ᓄᓇᓕᑦ ᐊᕕᒃᓯᒪᓂᖓᓂ ᐊᐅᓚᑦᔪᑎᑦ ᐱᔪᖕᓇᐅᑎᓖᑦ (TransLink). 

ᑲᕆᓐ ᑲᕌᑦᔨᐊᓐ
ᐱᓗᐊᕐᓇᖅᑐᓕᐅᑎᓄᑦ ᐃᑲᔪᖅᑎ

ᑲᕆᓐ ᑲᕌᑦᔨᐊᓐ ᐃᓚᐅᓕᕐᑐᖅ ᑖᑉᑯᓄᖓ ᐃᒪᓕᕆᔨᓄᑦ ᑕᒡᕙᓂ ᐋᒐᓯ, 2010−ᒥ. ᐊᑐᖅᓯᒪᔪᖅ 10 ᐊᕋᒍᓂᒃ ᐃᒪᖅᓄᑦ ᐱᖃᖅᓂᖏᓄᑦ ᐊᐅᓚᑦᔪᑎᓄᑦ ᐊᒻᒪᓗ ᐊᕙᑎᓕᖁᑎᑦ ᖃᐅᔨᓴᐃᓂᖅᒧᑦ ᐊᑐᖅᓯᒪᔭᖏ.  ᓯᕗᐊᓂ ᐃᓚᐅᓕᖅᓂᐊᓴᖅᖢᓂ ᑖᑉᑯᓄᖓ ᐃᒪᓕᕆᔨᓄᑦ. ᑲᕆᓐ ᐃᖃᓇᐃᔭᖅᓯᒪᔪᖅ ᑖᒻᓇᐅᑉᓗᓂ ᐃᒪᓕᕆᓂᖅᒧᑦ ᐱᖃᖅᓂᖏᓄᑦ ᐱᓕᕆᔨ ᑖᑉᑯᓇᓂ ᐊᓐᑎᐅᕆᐅ ᒥᓂᓯᑕᐅᔪᓄᑦ ᐊᕙᑎᓕᖁᑎᓄᑦ ᐊᑭᓇᖓᓂ ᓄᓇᓖᑦ ᐊᕕᒃᓯᒪᓂᖓᓂ.

ᐱᓯᒪᔪᖅ ᑖᑉᓱᒥᖓ PhD ᑎᑎᕋᖅᑕᖅᒥᒃ ᐃᒪᓕᖁᑎᓄᑦ ᑕᒡᕙᖓ ᓯᓚᑦᑐᖅᓴᐃᕕᖓᓂᑦ ᐊᕕᒡᓇᓐ, ᑖᒻᓇ ᒫᔅᑐᕐᔅ ᑎᑎᕋᕐᑕᖅ ᐃᒪᐃᑦ ᖃᐅᔨᓴᐃᓂᖅᒧᑦ ᑕᒡᕙᖓ ᓯᓚᑦᑐᖅᓴᐃᕕᒃ ᒪᓐᑦᐱᓪᓕᐅᕐ ᐊᒻᒪᓗ ᐊᓯᖏ ᑎᑎᕋᖅᑕᑦ ᓄᓇᓕᖁᑎᓄᑦ.

ᓴᓐᔨᐊ ᐊᕇᑎᔅ
ᐱᓗᐊᕐᓇᖅᑐᓕᐅᑎᓄᑦ ᐃᑲᔪᖅᑎ

ᓴᓐᓂᐊ ᐱᓕᕆᔨᓚᕆᒃ ᖃᐅᔨᒪᔨᐅᓂᖅᒧᑦ (BC). ᐱᓯᒪᔪᖅ ᑖᑉᓱᒥᖓ ᐸᑦᓯᓗᕐ ᑎᑎᕋᖅᑖᖅ ᐊᕗᒋᔭᐅᑦᑕᖅᑐᓄᑦ ᖃᐅᔨᒪᔨᐅᓂᖅᒧᑦ, ᑖᒻᓇ ᖃᓄᕆᑦᓂᖏᓄᑦ ᐊᑐᓚᕆᒃᓂᖏ ᑎᑎᕋᖅᑖᖅ ᑕᒡᕙᖓ DGQ (ᔨᕐᒪᓂ ᐊᒻᒪᓗ ᐊᕐᔨᓐᑏᓇ), ᑖᒻᓇ ᑎᑎᕋᖅᑕᖅ ᓄᓇᓕᖁᑎᓄᑦ (ᐋᒃᓚᓐᑦ) ᐊᒻᒪᓗ ᑖᒻᓇ ᒪᔅᑐᕐᔅ ᐊᑐᖅᑕᐅᔪᓄᑦ ᖃᐅᔨᓴᐃᓂᖅ ᐅᔭᕋᒃᓯᐅᕐᓂᖅᒧᑦ ᖃᐅᔨᒪᔨᐅᓂᖅᒧᑦ (UBC). ᓴᓐᓂᐊᑉ ᐃᖃᓇᐃᔭᕐᓂᖅᒧᑦ ᐊᑐᖅᓯᒪᓕᖅᑕᖏ ᐃᓚᖃᖅᑐᖅ ᐃᖃᓇᐃᔭᕐᓂᖅᒧᑦ ᓯᓚᖅᔪᐊᓗᒃᑖᒥ ᖃᐅᔨᒪᔨᐅᓂᖅᒧᑦ ᓇᒥᓂᖃᖅᑐᓄᑦ (ᕙᓐᑰᕗᕐ), ᐊᒥᓱᓂ ᐅᔭᕋᒃᓯᐅᖅᑎᑦ ᓇᒥᓂᖃᖅᑐᑦ, ᐊᒻᒪᓗ ᑲᕙᒪᑯᑦᓂ ᐃᒪᐃᓕᕆᓂᖅᒧᑦ ᐊᓪᓚᒃᕕᖓᓂ. ᓴᓐᓂᐊ ᐊᑐᖅᓂᖅᓴᖓ ᖃᐅᔨᒪᔨᐅᓂᖅᒧᑦ ᑕᒪᑯᐊᑦ ᐊᕐᓯᓂᒃ ᐊᒻᒪᓗ ᓴᐃᔭᓇᐃᑦ ᐱᑦᑕᐃᓕᓂᖏᑦ, ᓱᕈᐃᔪᖕᓇᖅᑐᑦ ᐅᔭᖃᑦ ᑲᓇᖅᕕᐅᓂᖏᓄᑦ, ᐊᒃᑕᑯᑦ ᐃᒪᐃᑦ ᓴᓗᒪᖅᓴᐃᓂᖅ, ᐊᒻᒪᓗ ISO 1400 ᐊᕙᑎᓕᖁᑎᓄᑦ ᐊᐅᓚᑦᔪᑎᑦ ᐱᓕᕆᑦᔪᑎᑦ.

ᐊᐅᓚᑦᑎᔨᑦ

ᐱᐊᓐ ᖁᒡᕕᒃ
ᑎᑎᕋᖅᑎᓚᕆᒃ ᐊᒻᒪᓗ ᑐᓵᔨ

ᐱᐊᓐ ᖁᒡᕕᒃ ᑖᑉᑯᓇᓃᓕᕐᑐᖅ ᓄᓇᕗᑦ ᐃᒪᓕᕆᔨᑦ ᑲᑎᒪᔨᑦ (NWB) ᑕᐃᒪᖓ ᐱᒋᐊᖅᓂᖓᓂᑦ ᕿᑎᖓᓂ 1990−ᓂ ᐊᒻᒪᓗ ᒫᓇᐅᔪᖅ ᑎᑎᕋᖅᑎᓚᕆᒃ ᑲᑎᒪᔨᓄᑦ ᐊᒻᒪᓗ ᐊᐃᐸᖓᓂᒃ ᐱᓕᕆᕕᒃᒥᓂ ᑐᓵᔨ/ᑭᐳᒃᑕᐅᔨ ᑕᒪᑯᓄᖓ ᐅᖃᕈᖕᓇᖅᑎᐊᕐᑐᖅ ᑕᒪᑦᑭᒃᓄᑦ ᐃᓄᒃᑎᑐᑦ ᐊᒻᒪᓗ ᐃᓄᐃᓐᓇᖅᑐᓐ. ᐱᐊᓐ ᐱᓯᒪᔪᖅ ᐊᐅᓚᑦᔪᑎᓄᑦ ᑎᑎᕋᖅᑖᓂᒃ ᑖᑉᑯᓇᖓ ᐸᕝ ᐃᓕᓐᓂᐊᖅᕕᒃ ᐊᐅᓚᑦᔪᑎᓄᑦ ᐃᓕᓴᐅᑎᓄᑦ ᐊᒻᒪᓗ ᑖᑉᓱᒥᖓ ᓄᓇᕗᑦ ᓯᕗᓕᐅᕐᑎᑦ ᐱᓕᕆᑦᔪᑎᓄᑦ ᐱᖃᑎᒋᒃᓂᖏᓄᑦ ᓄᓇᕗᑦ ᓯᓚᑦᑐᖅᓴᐃᕖᑦ/ᑲᓇᑕᒥᐅᓂ ᐃᓕᓐᓂᐊᖅᕕᒃ ᐊᐅᓚᑦᔪᑎᓄᑦ ᐱᕙᓕᐅᔪᓄᑦ (1999). ᐱᐊᓐ ᐃᓕᓴᐃᔨᐅᓯᒪᔪᖅ, ᐊᖓᔪᑳᖑᔪᒧᑦ ᑐᒃᓕᖓ ᐊᒻᒪᓗ ᐃᓕᓴᐃᔨᓄᑦ ᖃᐅᔨᒪᔨᐅᔪᖅ ᐊᒻᒪᓗᑦᑕᐅᖅ ᑭᒐᖅᑐᐃᓯᒪᑉᓗᓂ ᐊᖓᔪᑳᖑᔪᒧᑦ ᑐᒃᓕᖓ ᐊᒻᒪᓗ ᐊᖓᔪᖄᖑᖕᓗᓂ ᑖᑉᑯᓄᖓ ᐃᓄᐃᑦ ᐃᓕᓴᐃᔨᑦ ᑕᐃᓯᒪᓂᖏᓄᑦ ᑲᑎᒪᔨᑦ ᓄᓇᑦᓯᐅᖅᒥ.  

ᕌᐱᓐ ᐃᑰᑎᔅᖢᒃ
ᓚᐃᓴᓕᐅᑎᑦ ᐊᐅᓚᑦᔪᑎᖏᓄᑦ ᐃᑲᔪᖅᑎ

ᕌᐱᓐ ᐃᓚᐅᓕᕐᑐᖅ ᑖᑉᑯᓇᓂ ᓄᓇᕗᑦ ᐃᒪᓕᕆᔨᑦ ᑲᑎᒪᔨᓂ  (NWB) 2012−ᒥ. ᐃᓂᖅᓯᓯᒪᔪᖅ ᑖᑉᑯᓇᖓ ᓄᓇᕗᑦ ᓯᕗᓕᐅᕐᑎᑦ ᐱᓕᕆᑦᔪᑎᖏᓄᑦ ᐊᑐᖅᑕᖓ ᐋᑐᕙᒥ, ᑖᑉᑯᐊᑦ ᐃᓚᖃᖅᑐᑦ ᐃᓕᓐᓂᐊᕈᑎᓂᒃ ᑕᒡᕙᖓ ᑲᕐᓪᑕᓐ ᓯᓚᑦᑐᖅᓴᐃᕕᖓᓂ. ᐃᓚᒋᑉᓗᒋᑦ ᐊᓯᖏ, ᕌᐱᓐ ᐱᑖᖅᓯᒪᔪᖅ ᐃᓕᓐᓂᐊᕈᑎᓂᒃ ᐱᓯᒪᔭᖏ ᑖᑉᑯᐊᖅ ᓄᓇᕗᑖᕈᑎᓄᑦ ᐊᖏᕈᑎᑦ ᐊᑐᖅᐸᓕᐊᓂᖏ, ᑲᑎᒪᔨᐅᑦᑕᖅᓂᕐᒧᑦ ᖃᐅᔨᓴᐃᓂᖅ, ᖃᐅᔨᓴᐃᓂᖅᒧᑦ ᐱᑦᔪᓰᑦ, ᐃᓄᖕᓄᑦ ᑲᕙᒪᒋᔭᐅᖃᑕᐅᔪᑦ, ᐅᑭᐅᕐᑕᖅᑐᒥᐅᑦ ᐃᓄᖏᑦ, ᐊᒻᒪᓗ ᐃᓄᒃᑎᑐᑦ.

ᐊᑐᖅᓂᖏᓄᑦ  2 ᐊᕋᒍᒃᓂ ᓯᓚᑦᑐᖅᓴᐃᕕᒃᒥ ᕌᐱᓐ ᐃᖃᓇᐃᔭᖅᓯᒪᔪᖅ ᑖᑉᑯᓇᓂ ᓄᓇᕗᑦ ᐃᒪᓕᕆᔨᑦ ᑲᑎᒪᔨᑦ ᐊᐅᔭᒃᑯᑦ ᐃᓕᓐᓂᐊᖅᖢᓂ ᑖᑉᑯᓇᓂ ᓚᐃᓴᓕᕆᓂᖅᒧᑦ ᑎᒥᖓᓂ. ᐅᑎᖅᓯᒪᔪᖅ ᑕᒡᕗᖓ ᑎᒥᖓᓄᑦ, ᓴᓇᖃᑕᐅᖏᓇᓕᖅᖢᓂ, ᑖᒻᓇᐅᑉᓗᓂ ᓚᐃᓴᓕᕆᓂᖅᒧᑦ ᐊᐅᓚᑦᔪᑎᓄᑦ ᐃᑲᔪᖅᑎ.  

ᑭᓇᐅᔭᓕᕆᓂᒃᑯᑦ

ᕋᐃᒪᓐ ᖁᖅᓲᓐ
ᓯᕗᓕᖅᑎ ᑯᐊᐳᕇᓴᒧᓐ ᑭᒡᒐᖅᑑᑎᑦ

ᕋᐃᒪᓐ ᖁᖅᓲᓐ ᐊᖓᔪᕐᓯᖅ ᐃᓅᓯᒪᔪᖅ ᐊᒻᒪᓗ ᐱᕈᖅᓴᖅᖢᓂ ᐅᖅᓱᖅᑑᒥ. ᕋᐃᒪᓐ ᐅᖃᕈᖕᓇᑦᑎᐊᕐᑐᖅ ᑕᒪᑭᒃᓂᒃ ᐃᓄᒃᑎᑐᑦ ᐊᒻᒪᓗ ᖃᑉᓗᓈᑐᑦ. ᓯᕗᐊᓂ, ᕋᐃᒪᓐ ᐃᖃᓇᐃᔭᖅᓯᒪᔪᖅ ᑖᑉᑯᓇᓂ ᑎᒥᖓᑦ ᐃᓕᓴᖅᕕᓕᕆᔨᑦ (NWT) ᐊᓪᓚᕿᓂ ᐃᓕᓴᐃᓂᖅᒧᑦ ᐱᓕᕆᑉᓗᓂ ᐊᕐᕕᓂᓖᑦ ᒪᕈᒃᓂᒃ ᐊᕋᒍᓂᒃ. ᓯᕗᐊᒍᑦ ᐊᐅᓚᑦᑎᔨᐅᓯᒪᔪᖅ ᓄᓇᓕᒃᓂ ᐃᒡᓗᓕᕆᔨᒃᑯᑦ ᑲᑎᒪᔨᓄᑦ ᑕᓪᓕᒪᓄᑦ ᐊᕋᒍᓄᑦ ᐊᒻᒪᓗ ᑖᑉᑯᓄᖓ ᓄᓇᑦᓯᐊᖅᒥ ᐃᒡᓗᓕᕆᔨᑦ ᑯᐊᐳᕇᓴᓄᑦ ᓄᓇᓖᑦ ᐊᕕᒃᓯᒪᓂᖓᓂ ᐊᓪᓚᒃᕕᖓᓂ ᐃᖃᓗᒃᑐᑦᑎᐊᖅᒥ, ᓄᓇᓖᑦ ᐊᕕᒃᓯᒪᓂᖓᓄᑦ ᐱᓕᕆᑦᔪᑎᓄᑦ ᐊᐅᓚᑦᑎᔨᐅᓂᖅᒧᑦ ᑕᒪᐅᖓ ᐊᑭᓇᖓᓂ ᕿᑎᖅᒥᐅᓂ. ᕋᐃᒪᓐ ᐃᖃᓇᐃ.ᖅᓯᒪᔪᖅ ᐊᐅᓚᑦᑎᔨᐅᓂᖅᒧᑦ ᑮᓇᐅᔭᓕᖁᑎᓄᑦ ᑖᑉᑯᓄᖓ ᐅᖅᓱᖅᑑᖅ ᐃᓕᓴᖅᕕᓕᕆᔨᑦ ᑲᑎᒪᔨᓄᑦ ᐊᒻᒪᓗ 21 ᐊᕋᒍᓄᑦ ᑖᑉᑯᓇᓂ ᕼᐋᒻᓚᑯᑦ ᐅᖅᓱᖅᑑᖅ ᐊᖓᔪᖄᖑᑉᓗᓂ ᐊᐅᓚᑦᔪᑎᓄᑦ ᐱᓕᕆᔨ ᐊᒻᒪᓗ ᑮᓇᐳᔭᓕᕆᓂᖅᒧᑦ.

ᕋᐃᒪᓐ ᑭᒐᖅᑐᐃᓯᒪᒋᑉᓗᓂ ᐊᓪᓚᕿᓂ ᑲᑎᒪᔨᓂ ᐊᒻᒪᓗ ᓄᓇᓖᑦ ᐊᕕᒃᓯᒪᓂᖓᓂ ᑎᒥᐅᔪᓂ ᓄᓇᑦᓯᐊᖅᒥ ᐊᒻᒪᓗ ᓄᓇᕗᒥ, ᑲᑎᒪᔨᐅᑉᓗᓂ ᐅᕙᓗᓃᑦ ᐃᒃᓯᕙᐅᑕᓕᐅᑉᓗᓂ. ᐊᑐᖅᓯᒪᔭᖏ ᐃᓚᖃᕐᑐᑦ ᐃᒃᓯᕙᐅᑕᓕᐅᓂᖅ ᑖᑉᑯᓄᖓ ᓄᓇᕗᑦ ᐃᒥᐅᓗᒃᓄᑦ ᓚᐃᓴᓕᕆᔨᑦ ᑲᑎᒪᔨᓄᑦ, ᑲᑎᒪᔨᐅᓂᖅ ᑖᑉᑯᓇᓂ ᕿᑎᖅᒥᐅᑦ ᑯᐊᐳᕇᓴᓐ ᑲᑎᒪᔨᓂ ᑲᑎᒪᔨᐅᓂᖅ, ᑖᑉᑯᓇᓂ ᓯᓚᖅᔪᐊᖅᒥ ᐅᑭᐅᖓᓂ ᑎᒥᐅᔪᓂ. ᓄᓇᓕᒃᓂ, ᕋᐃᒪᓐ ᑭᒐᖅᑐᐃᒃᒥᔪᖅ ᐊᓪᓚᕿᓂ ᓄᓇᓕᒃᓂ ᑎᒥᐅᔪᓄᑦ ᐃᓚᐅᑎᑦᓗᒋᑦ ᓄᓇᓕᒃᓂ ᐃᓕᓴᖅᕕᓕᕆᔨᑦ ᑲᑎᒪᔨᓄᑦ, ᑖᑉᑯᐊᑦ ᓄᓇᓕᒃᓂ ᑯᐊᐸᐃᑦ ᑲᑎᒪᔨᓂ ᑲᑎᒪᔨᐅᓂᖅ ᐊᒻᒪᓗ ᓄᓇᓕᒃᓂ ᐃᒡᓗᓕᕆᔨᒃᑯᑦ ᑲᑎᒪᔨᓂ.  

ᕋᐃᒪᓐ ᐱᑕᖅᓯᒪᔪᖅ ᐊᓪᓚᕿᓂᒃ ᐃᓕᓐᓂᐊᕈᑎᓂᒃ ᑕᒪᑯᓇᓂ ᓄᓇᑦᓯᐊᖅᒥ ᐅᑭᐅᕐᑕᖅᑐᒥ ᓯᓚᑦᑐᖅᓴᐅᕕᒃᒥ ᐊᒻᒪᓗ ᓄᓇᑖᒐᐅᔪᑦ ᑲᕙᒪᑯᖏᓂ, ᐃᓚᐅᑎᑦᓗᒋᑦ ᐊᖓᔪᖄᓄᑦ ᓯᕗᓕᖅᑎᐅᓂᖅᒧᑦ ᐃᓕᓐᓂᐊᕈᑎᓄᑦ ᑖᑉᑯᓇᓂ ᐅᑭᐅᕐᑕᖅᑐᖅ ᓯᕗᓕᖅᑎᑦ ᐃᓕᓐᓂᐊᖅᕕᖓ (ᑲᑐᑦᔨᖃᑎᒋᑉᓗᒋᑦ ᑖᑉᑯᐊᑦ ᑯᐄᓐᔅ ᓯᓚᑦᑐᖅᓴᐃᕕᖓ, ᐃᓕᓐᓂᐊᖅᕕᒃ ᓇᒥᓂᖃᖅᑐᓄᑦ ᐊᒻᒪᓗ ᑯᐊᕐᓇᓪ ᓯᓚᑦᑐᖅᓴᐃᕕᒃ ᑕᒡᕙᓂ ᓄᓇᖓᓂ ᓄᐅ ᔪᐊᕐᒃ).

ᐃᑦᓇ ᐳᐊᑐᕐ
ᑮᓇᐅᔭᓕᕆᔨ

ᐃᓅᓯᒪᔪᖅ ᐊᒻᒪᓗ ᐱᕈᖅᓴᖅᑕᐅᑉᓗᓂ ᐅᖅᓱᖅᑑᒥ, ᐃᐊᑦᓇ ᓄᓇᖃᖅᓯᒪᒋᑉᓗᓂ ᔭᓗᓇᐃᕝ, ᐃᖃᓗᒃᑐᑦᑎᐊᖅ ᐊᒻᒪᓗ ᑕᓗᕐᔪᐊᖅ. ᓯᕗᐊᓂ ᐃᖃᓇᐃᔭᖅᓯᒪᔪᖅ ᑖᑉᑯᓇᓂ ᕼᐋᒻᓚᑯᑦ ᐅᖅᓱᖅᑑᒥ ᐱᒋᐊᖅᖢᒍ 1996, ᐃᑦᓇ ᐃᓚᐅᓕᕐᑐᖅ ᑖᑉᑯᓇᓂ ᐃᒪᓕᕆᔨᓂ ᐊᒃᑑᐱᕆ 2011−ᒥ ᑮᓇᐅᔭᓕᕆᔨᐅᑉᓗᓂ. ᓯᕗᐊᓂᓗ ᐃᖃᓇᐃᔭᖅᓯᒪᔪᖅ ᑖᑉᑯᓇᓂ ᕿᑭᕐᑕᖅ ᐃᒡᓗᓕᕆᔨᒃᑯᑦ ᑲᑎᒪᔨᓂ ᑖᒻᓇᐅᑉᓗᓂ ᐊᑐᖅᑐᐊᖅᑐᓄᑦ ᑭᒐᖅᑎᐅᑉᓗᓂ ᐊᒻᒪᓗ ᑎᑎᕋᖅᑎᐅᑉᓗᓂ.

ᐃᑦᓇ ᐃᓂᖅᑕᖓ ᐃᓕᓴᕐᓂᖅᒥᓂᒃ ᐃᖃᓗᒃᑐᑦᑎᐊᖅᒥ ᐊᒻᒪᓗ ᔭᓗᓇᐃᕝᒥ. ᐃᓂᖅᓯᑉᓗᓂᓗ ᖃᑉᓯᓂᒃ ᐃᓕᓐᓂᐊᕈᑎᓂᒃ ᐊᓪᓚᒃᕕᒃᒥ ᐊᐅᓚᑦᔪᑎᓄᑦ, ᑮᓇᐅᔭᓕᖁᑎᓄᑦ ᐊᐅᓚᑦᔪᑎᓄᑦ (Accpac ᖃᕆᑕᐅᔭᒃᑰᕈᑎᑦ), ᐊᒻᒪᓗᑦᑕᐅᖅ ᑖᑉᑯᓂᖓ ᓄᓇᕗᑦ ᓯᕗᓕᐅᖅᑎᑦ ᐱᓕᕆᑦᔪᑎᖏ ᑲᖏᖅᖠᓂᖅᒥ ᐊᒻᒪᓗ ᐋᑐᕙᒥ.

ᑐᐊᕇᓐ ᐳᐊᑐᕐ
ᑮᓇᐅᔭᓕᕆᓂᖅᒧᑦ ᐊᐅᓚᑦᔪᑎᖏᓄᑦ ᑎᑎᕋᖅᑎ

ᑐᐊᕇᓐ ᐳᐊᑐᕐ ᑖᒻᓇᐅᔪᖅ ᐊᐅᓚᑦᔪᑎᓄᑦ ᑎᑎᕋᖅᑎ ᑲᒡᕙᓂ ᓄᓇᕗᑦ ᐃᒪᓕᕆᔨᑦ ᑲᑎᒪᔨᓂ. ᑐᐊᕇᓐ ᐃᓕᓐᓂᐊᖅᓯᒪᔪᖅ ᐅᖅᓱᖅᑑᒥ ᐊᒻᒪᓗ ᐃᓕᓴᒃᑲᓐᓂᖅᖢᓂ ᑕᒡᕙᓂ ᓄᓇᕗᑦ ᐅᑭᐅᕐᑕᖅᑐᒥ ᓯᓚᑦᑐᖅᓴᐃᕕᒃᒥ. ᐃᓂᖅᑕᖓ ᑖᒻᓇ ᓄᓇᓕᐅᔪᓂ ᐅᓪᓚᒃᕕᒃᒥ ᐱᑦᔪᓰᑦ ᐱᓕᕆᑦᔪᑎᑦ ᐃᖃᓗᒃᑐᑦᑎᐊᖅᒥ 1995−ᒥ ᐊᒻᒪᓗ ᑕᐃᒪᖓᑦ ᐊᑐᖅᓯᒪᓕᖅᑕᖏ 10 ᐊᕋᒍᓂᒃ ᐊᐅᓚᑦᔪᑎᓄᑦ ᐊᑐᖅᓯᒪᓕᖅᓂᖏ ᐃᖃᓇᐃᔭᖅᖢᓂ ᑕᒡᕙᓂ ᓄᓇᓕᐅᔪᑦ ᐊᒻᒪᓗ ᓄᓇᓕᒃᓄᑦ ᐱᓕᕆᔨᓂ, ᓄᓇᕗᑦ ᑐᓐᖓᕕᒃ ᓇᒥᓂᖃᖅᑐᑦ, ᕿᑎᖅᒥᐅᑦ ᐃᓄᐃᑦ ᑲᑐᑦᔨᖃᑎᒌᑦ, ᑖᑉᑯᐊᑦ ᕼᐋᒻᓚᑯᖏ ᖁᖅᓱᖅᑑᖅ ᐊᒻᒪᓗ ᐊᓯᖏᓂ. ᑕᐃᒪᖓ ᐃᓚᐅᓕᖅᓂᖓᓂ ᑖᑉᑯᓄᖓ ᐃᒪᓕᕆᔨᒃᑯᑦᓂ, ᑐᐊᕇᓐ ᑲᔪᓯᔪᖅ ᐳᖅᑐᓯᕙᓕᐅᓂᖓ ᐊᓪᓚᒃᕕᒃᒥ ᐊᐅᓚᑦᔪᑎᓄᑦ ᐊᒻᒪᓗ ᖃᕆᑕᐅᔭᓄᑦ ᐊᔪᖏᓂᖅᓄᑦ. ᑐᐊᕇᓐ ᐱᓕᕆᖃᑦᑕᖅᓯᒪᑉᓗᓂ ᐃᑲᔪᖅᓂᕐᒧᑦ ᓄᓇᓕᒃᓂ ᐊᒻᒪᓗ ᑭᒐᖅᑐᐃᑉᓗᓂ ᖃᑉᓯᓂ ᑲᑎᒪᔨᕋᓛᓂ ᐃᑲᔪᖅᖢᒋᑦ ᒪᒃᑯᒃᑐᓄᑦ.